426 PINNEN.

sitionis a Sacro Concilio Trid. praescriptae, ita ut concursus ex hoc capite vitietur. S. C. C. respondit: Omissionem exa- minis esse contra formam substantialem a Sacro Concilio Trid. in cap. 18, sess. 24, De ref. statutam ac propterea concursum ex hoc capite esse nullum; in Tarraconen. die 18 Martii 1635. Hanc responsionem passim referunt cano- nistae et eamdem pluribus auctoritatibus firmat Pignatellius Consult, tom. I; unde deducit, communem esse sententiam, irritari omnino concursum quoties aliquis ex concurrentibus iam descriptus ad examen non admittatur.

Quoad aliam quaestionem, in primis examinatorum re- latio non videtur fuisse exacta ad receptas regulas, nam so- lemne est in materia concursus ad paroecias, examinatores non debere seiunctim calcul um dare de scientia candidati, nulla habita ratione de ceteris qualitatibus moralibus ; nam Conc. Trid. in 1. c. iubet: « Peracto deinde examine renun- cientur quotcumque ab his idonei iudicati fuerint aetate, mo- ribus, doctrina, prudentia et aliis rebus ad vacantem Eccle- siam gubernandam opportunis. Ex hisque Episcopus eli- gat etc. ». Exinde S. C. C. quoties examinatores de scientia tantum iudicaverint, remissa Episcopi iudicio aestimatione de aliis omnibus qualitatibus, censuit nullius esse roboris huiusmodi examinatorum relationem, uti in Urbinaten. 15 Iu- nii 1605, relata in Spoletana Concursus, die 8 Apr. 1848, § At. - Et in Larinen. Concursus, die 2 Sept. 1758, ex- tante eodem defectu in examinatorum relatione, proposita fuerunt, inter alia, haec dubia: II. An constet de mala re- latione examinatorum in casu. Et quatenus affirmative, III. An sit deveniendum ad, novum concursum in casu, S. C. C. reposuit: Ad secundum affirmative. Ad tertium affirmative coram Metropolitano.

Neque videtur defectus evanuisse malae relationis eo quod examinatores postea approbaverat, longo temporis intervallo, Sacerdotem De Galitiis antea reprobatum. Non constat enim quodnam criterium prae oculis habuerint examinatores in re- cedendo a decisis ; seu an correxerint iudicium suum, circa