m <

EX 3. CONGREGATIONE RITUUM

ANDEGAVEN. Beatificationis et Canonizationis ven. Servae Dei Sororis Mariae a S. Euphrasia Peiletier, fundatricis sororum a Bono Pastore.

Una ex pluribus religiosis feminis quae, saeculo superiore exeunte, clementissimusDeus excitavit in medio nationis gallicae ubi christianae ac civili societati a nefariis hominibus gravissima inflicta fuere vulnera, tantum religione et charitate sananda, clara veluti stella affulsit serva Dei Maria a S. Euphrasia Pel- letier, Fundatrix Congregationis sororum a Bono Pastore. De ortu huius Servae Dei merito laetatur insula Noimoutier e dioe- cesi Lucionensi ubi a piis honestisque parentibus Iuliano et Anna Mourin die 31 Iulii 1796 in lucem prodiit, Rosae Virginiae nomine infantulae indito in sacro baptismi lavacro. Rerum cae- lestium studiosa et pietatis exercitiis sive domi sive in templo iugiter intenta, peculiari devotione prosequebatur Sanctum Phi- libertum illius insulae Patronum. Historiae sacrae et christianae cathechesi addiscendae operam dedit adeo diligentem, ut sin- gulari praemio adolescentulis proposito meruerit cohonestan. Annum aetatis tertium decimum agens patrem amisit, et in so- latium viduae matris duos fere annos mansit. Nam trilustris Turones missa fuit et convictum Dominae Choblet ingressa prae- claram habuit magistram Dominam De Lignac, dein sanctimo- nialium ursulinarum antistitam, quae Rosae Virginiae ingenium ac virtutem probavit et laudibus extulit. Eo in loco paulo post puellam perturbavi! amantissimae genitricis obitus, qui tamen eius sancto proposito stimulos addidit ad novum vitae statum in Congregatione Nostrae Dominae a charitate Refugii ample- ctendum. Ex libris ac litteris S. Teresiae animas Christo lucrari didicit, atque opportunis consiliis adiuta, Deo favente, die 20 Octobris anno 1814 ex aedibus Dominae Choblet ad proximam domum Refugii transiit. Verum puellae votis per aliquod tem- pus obstitit tutor Dominus Marceau ut clarior pateret divina vocatio et firmius Servae Dei propositum. Illuxit tamen auspi- catissima dies Nativitatis B. M. Virginis anno 1815, qua haec co- lumba, audita voce divini sponsi, ad eum convolavit. Tunc no- men Mariae a Sancta Euphrasia cum religioso habitu accepit et biennali tirocinio cum laude expleto, etiam religiosa vota lae- tissimo nuncupavit. Inde pietatis magistra mulieribus poeniten- tibus data, et postea, etsi iunior ceteris, ipsius domus antistita renuntiata fuit. Interim c laus t ra lem feminarum coetum a San- cta Magdalena instituit aptisque regulis munivit. In civitate An- degavensi, ex pecunia per legatum relicta et vigilantissimo Prae- suli tradita, domus Refugii fundamenta iecit, eamque non modo erectam vidit, sed cum quinque sororibus anno 1829 incolere coepit. Turones reversa pro munere suo explendo, illi enim