430 EX. S. G. RITUUM

religiosae domui adhuc praeerat, statim ac potuit, anno scilicet 1831 Andegavensem domum revisit, gubernavit et sacra aede auxit. Ampliato etiam instituto Nostrae Dominae a charitate Re- fugii, atque coetu a S. Magdalena, brevi tempore alias ordina- vit consociationes, unam a Providentia pro orphanis puellis, a l teram a Praeservatione pro adolescentulis periclitantibus, ter- tiam a Beata Virgine Perdolente pro feminis a coetu poeni- tentium consecratis. Quae fundationes maiora quoque coepere incrementa in aliis Galliarum dioecesibus, opera et studio Fa- mulae Dei, instantibus locorum Ordinariis. Ineunte anno 1835, ad unitatem servandam, approbante per Apostolicas Litteras P. M. Gregorio XVI, universae congregationi a Bono Pastore nuncupatae, generalis antistita praeposita fuit, simulque domus princeps et sedes tirocinii constituta in civitate Andegavensi. Iucunditas autem Famulae Dei cumulata fuit cum Romam ar- cessita et ad pedes eiusdem Pontificis pro voluta, devoti gratique animi sensus aperuit; atque Apostolica Benedictione recreata in ipsa alma Urbe curam et regimen feminarum in custodiis degentium a sua Congregatione suscipi vidit, sub auspiciis illius Principis iustitiae et dementiae consulentis. Andegavum reversa de Congregationis suae firmitate et amplitudine semper solli- cita, pro qua nec curis nec laboribus unquam pepercit, saevi cancri morbo lente consumpta et Ecclesiae sacramentis refecta, die 24 Aprilis anno 1868, obdormivit in Domino, centum et de- cem domus religiosas et fere novendecim millia a lumnarum ex instituto principe et ex aliis coetibus Congregationis Boni Pa- storis veluti suam haereditatem, relinquens. Quum vero sancti- moniae fama, quam Famula Dei adhuc vivens adepta fuerat, post obitum magis in dies increbuerit, Processus Ordinarius su- per ea rite confectus et in Urbem delatus, Sacrae Rituum Con- gregationi exhibitus fuit. Hinc ad humillimas preces Rmi Dñi Antonii Savelli Spinola Causae Postulatoris, Sanctissimus Do- minus Noster Leo Papa XIII per decreta 11 Februarii et 17 Maii 1895, probatis scriptis Servae Dei ut ad ulteriora procedi possit, ab interventu et voto Consultorum super dubio intro- ductionis ipsius Causae in Congregatione Ordinaria proponendo et discutiendo dispensare dignatus est. Quare instante praedicto Postulatore, nomine etiam universae Congregationis sororum a Bono Pastore, atque attentis Litteris Postulatoriis nonnullorum Emorum S. R. E. Cardinalium et plurium Sacrorum Antistitum atque Capitulorum Ecclesiarum Cathedralium, nec non religio- sarum communitatum, piarum consociationum atque illustrium virorum ex variis regionibus, infrascriptus Cardinalis Sacrae Rituum Congregationi Praefectus et huiusce Causae Relator, in Ordinariis Comitiis, subsignata die, ad Vaticanum habitis se- quens dubium discutiendum proposuit: « An sit signanda Com- missio introductionis Causae in casu et ad effectum de quo a- gitur? » Atque Emi Patres Sacris tuendis Ritibus praepositi, post