MELEVITANA 455

insula. - Pater, puellae animo explorato, videtur ultro con- sentisse in sponsalia cum Hadriano ineunda; et haec revera fertur inivisse puella Aemilia, antequam e civitate Gaudi- siensi excederet.

Exinde visi sunt serio instrui tractatus matrimonio prae- vii ; qui tamen ne ad mensem quidem producti fuerunt ; si- quidem pater puellae et Hadriano Cremonae eiusque parenti litteris renunciavit omnem tractationem iam resolutam esse ; quandoquidem filia fidem sponsalitiam Iosepho Vassallo tra- diderat, iam iam matrimonium celebratum uti publicae de- nunciationes de more faciendae in Ecclesia omnes fideles admonebant.

Sibi fidem fuisse violatam persentiens Hadrianus adiit Curiam Gaudisiensem, opponens impedimentum ex initis sponsalibus cum Aemilia Mangion quominus haec ad alias nuptias convolaret. Curia Gaudisiensis, congrue vadata Ae- milia sub die 27 Iulii 1898, causae instructionem instituit. - At ex adverso Aemilia Curiam petiit Melevitanam ut, huius decreto, incompetens declararetur Curia Gaudisiensis, una- que, ordinario iudicio, definiretur quaestio de valore spon- salium. Quare a iudice Melevitano citationis nuncium datum fuit die 10 Augusti 1898 Hadriano Cremona, quo in ius rapiebatur apud eamdem Curiam. Conventus citationi respon- dit tres potissimum opponens exceptiones; primo obiiciens citationem sibi datam, fuisse nullam quippe remissam die feriato seu die 10 Augusti Divo Laurentio sacro et festo, tum pro Curia Melevitana, tum pro Curia Gaudisiensi ; se- cundo denuncians Vicarium Generalem et tribunalis Asses- sorem iudicio ferendo esse impares quia provocabantur ab ipso convento uti testes in causa ; tertio demum excipiens quia causa iure praeventionis iam praeoccupata erat a Curia Gaudisiensi.

Curia Melevitana die 26 Augusti 1898 sequens edidit Decretum : « Cum prima exceptio in hac Magna Curia facta a Dno D.re Hadriano Cremona adversus Dnam Aemiliam Mangion quoad notificationis nullitatem admittenda non sit ;

Acta, Tom. XXXII. fase. CCCLXXIX. 28