458 EX S. G. CONCILII

quoad meritum causae, apud iudicem Gaudisien, duos prae- ferens testes pro asserenda sponsalium nullitate. Quum vero appellationes exceperit S. C. C. tum ab una, tum ab altera parte, interim in suspenso mansit apud curiam Gaudisien, iudicium quoad meritum causae, in obsequium huius supre- mi Tribunalis, ubi fassus est Episcopus litteris diei 3 Iu- lii 1899.

Disceptatio Synoptica

D E F E N S I O V I R I . Exinde, controversia agitatur apud E E . P P . an confirmandae vel infirmandae sint duae sententiae Curiae Melevitanae iam relatae. Hadriano Cremona adver- sae ; et praeterea, tertio, instante Aemilia Mangion petitur « An sit locus dispensationi super impedimento ex sponsa- libus in casu ».

Hadrianus Cremona Procuratorem constituit, cuius modo subtexam allegationes. In primo capite contendit, nullitate laborare decretum Melitense diei 26 Augusti 1898 , quia Curia Gaudisien, plane competens erat, iure praeventionis ; siquidem hanc prior adivit Hadrianus Cremona.

Praeterea, notat Orator, alius titulus competentiae in Curia Gaudisiensi repetitur a ratione agendi Aemiliae, quae ultro recognovit illius competentiam, seu hanc prorogava.

At neminem latet, notat patronus, forum acquiri per prorogationem* de qua, haec habet Engel in Colleg. univ. iur. lib. 1, tit. 32, n. 30. « Denique, praeter supradictos modos acquiritur iurisdictio per prorogationem. Est autem prorogatio iurisdictionis nihil aliud quam extensio eius de consensu partium ultra limites, inter quos exercita est. Et fit haec extensio quatuor modis, videlicet de persona ad per- sonam, de re ad rem, de loco ad locum, de tempore ad tempus ».

Satis est iudicem communi iurisdictione pollere, qua al- ter ordinarius pollet, et partium prorogationem re et facto significari. Re autem et facto satis prorogatio significatur si reus, lite contestata, vel dilatorias exceptiones proponat,