EXPOSITIO TEXTUS.

Ipsa etiam aeris et electri, etc.

Hic determinat de formis corporum mineralium, quorum generatio est ex vapore in terra retento, dicens : Etiam ipsa Theologia circumponit caelestibus essentiis speciem, id est, figuram aeris. Ezech.I,7 : Scintillae quasi adspectus aeris candentis : et electri, quod est ex mixtione auri et argenti. Ibidem, 1, 4 : De medio ejus quasi species electri. Et lapidum multicolorum. Ezech. xxviii, 13 : Omnis lapis pretiosus operimentum tuum. Electrum quidem, quoniam auriforme simul, et cum hoc argenteum ex utriusque mixtione constans, significat imputribile, id est, non facile consumptibile, ut in auro, id est, quantum ad proprietatem auri, quod igne non faciliter consumitur, et purgatur, aliis consumptis, nec etiam rubigine, quamvis non aurea etiam proprie loquendo putrescunt : et hoc significat Angelorum incorruptionem. Et simul cum proprietate auri ut in argento, id est, secundum proprietatem argenti, quam etiam habet, significat largum

splendorem, in quantum est album abundans non constrictum splendore, et non minutum per supereminentiam unius super alteram obscurantis eas, secundum quod per liquationem partes extenduntur in superficiem planam, et incontaminatum, secundum quod ex contactu non obscuratur ut aes, et significat claritatem apertam, per politionem, et luciformem, secundum quod albus color maxime est similis luci in virtute, et caelestem, in quantum color argenti similis est claritati caeli : unde in alchimia argentum dicitur luna. Vel quod dictum est de splendore, referendum est ad fulgorem auri et argenti, ut supra.

Autem, id est, sed Theologia significat aere, aut igneum, aut auriforme esse attribuendum Angelis, secundum traditas rationes auri et ignis, id est, proprietates : habet enim similitudinem aes cum igne, propter ruborem : et ideo potest significare proprietates utriusque.

Multicolores autem lapidum species, id est, figuras aestimandum est significarehaec, aut species quasi albas ut margaritas significare luciforme, ut dictum est de argento, aut quasi rubeas, ut carbunculum, auriforme, propter auri ruborem : aut quasi pallidus, ut onychinum significare juvenile et novum. Est enim pallor juxta principium propter humorem adhuc indigestum, ut in pueris, sed postea rubescit, superveniente calido, et de juvene et novo dictum est supra. Et per singulas species lapidum invenies anagogicam, id est, in spiritualium proprietates ductivam diiudicationem, id est, expositionem imaginum tgpicarum, id est, figuralium : typus enim figura dicitur.

11