462 EX S. C. CONCILII

eamque hisce in adiunctis promulgare : quae cum non ma- nifestent in suis decisionibus, sequitur quod ligant solas partes recurrentes: idque magis, si solum ac merum re- sponsum sit ad peculiare dubium alicuius episcopi. Ad rem D'Annib. 1. c. v. 1, n. 182, not. 5, ubi postquam dixit quod « authenticae sunt omnes interpretationes prodeuntes a S. R. C. in forma decreti et cum clausula ut serven- tur »; sic pergit: « Non item quae ab aliis SS. CC. prodeunt; adeoque non habent vim legis nisi R. P. iussu publicatae (et non tantum editae) solemniter fuerint, nec tollunt pro- babilitatem sententiae contrariae ; nec eis proinde necessa- rio standum est ». Hinc est quod ipsae eaedem SS. CC. in simili vel fere identico casu contrarium priori responsum dederunt. Hinc est quod scriptores Catholici contrarium te- nere potuerint. Et ad .^nostram quaestionem quod spectat, contrarium tenent non modo plurimi periti, catholici peril- lustres, sed etiam scholae catholicae sub oculis veluti po- sitae ipsarum SS. CC. Instar omnium sit Pontificia Aca- demia historico-iuridica, nunc ad S. Apollinaris sedem ha- bens, R. P. auctoritate et expensis erecta atque directa, in qua medicus ipse Leonis XIII Doctor Lapponi contrarium prorsus responso S. Officii a pluribus annis publice tradit. Porro haec schola illa est, cui immediate praesidet S. C. studiorum Cardin. Praefectus, quaeque, veluti sub ipsius R. Pontificis (nominantis professores, vel confirmantis eo- rumdem designationem) vigilantia, constituta reperitur.

Quod una uteri absentia constituat impotentiam antece- dentem et perpetuam non modo opinio est, sed certa sen- tentia ei, qui Canonistarum et physiologorum non modo ve- terum, sed et recensiorum classicos libros suetus est noctur- na versare manu versare diurna. Ad abundantiam, rem con- tuli cum perillustri D. Medico-chirurgo Iosepho Lapponi, cuius voto alias S. C. C. adhaesit, quique absque ullo du- bio uti certam sententiam quod unius uteri defectus, seu carentia congenitam ac perpetuam impotentiam pariat, pror- sus tenendam esse censet.