468 EX S. C. RITUUM

PRO ALIQUIBUS LOCIS.

Die 15. Maii. 19. In Missa S. Isidori Agricolce Conf.

Postcommunio.

Sit nobis, Domine, reparatio mentis et corporis caeleste mysterium: et praesta; ut Sancti Isidori Confessoris tui, cuius exequimur cultum, sentiamus effectum. Per Dominum.

Sit nobis, Domine, reparatio mentis et corporis caeleste mysterium: et praestat ut « cuius exsequimur cultum, interce- dente Sancto Isidoro Confessore tuo», sentiamus effectum. Per Dominum.

- s ^ s H S s ,

URBIS ET ORBIS

Quum per generale Decretum super primariis et secundariis Festis iusserit Sanctissimus Dominus Noster Leo Papa XIII. ad illius normam Rubricas Breviarii et Missalis Romani esse interpretandas, Decretaque in contrarium facientia penitus abroganda; factum est, ut plura Sacrorum Rituum Congregationi proposita fuerint re- solvenda dubia, quibus per alia subsequentia Decreta idem Sacrum Tribunal satis- facere officii sui duxit.

His autem quum alia quoque, controversias exortas penitus evellendi causa, accessissent recentiora Decreta pro quarumdam tam Breviarii quam Missalis Rubri- carum authentica interpretatione ; Emus ac Ríñus Dnus. Cardinalis Caietanus Aloisi- Masella, tunc Sacrorum Rituum Congregationi Praefectus, Summi Pontificis propo- sito inhaerens, ut inter latas Decretorum leges Rubricarumque praescriptiones ma- xima extaret conformitas, munus concredidit Commissioni Liturgicae praefatas revi- sendi examinandique Rubricas, easque ad recentiorum Decretorum normam con- cinnandi.

Opus vero ab ipsa Commissione absolutum, prouti in superiori extat exemplari, cum idem Emus ac Rmus Dnus. Card. Aloisi-Masella Relator in Ordinariis Sacro- rum Rituum Comitiis ad Vaticanum subsignata die habitis proposuisset; Emi ac Rmi Patres, Sacris tuendis Ritibus praepositi, omnibus mature perpensis, Rubricas sic emendatas approbari posse censuerunt. Die 7 Decembris 1897.

Quam sententiam deinde per infrascriptum Cardinalem Sacro eidem Coetui Prae- fectum Sanctissimo Domino Nostro Leoni Papae XIII. relatam, Sanctitas sua ratam habuit, ac suprema Auctoritate Sua confirmavit: simulque praecepit, ut suprascri- ptae variationes, hoc Decreto approbatae, in novis editionibus Breviarii et Missalis Romani, servatis de cetero servandis, inserantur. Contrariis non obstantibus qui- buscunque, etiam speciali mentione dignis. Die 11, iisdem mense et anno.

C AMILLUS Card. M AZZELLA, S. R. C. Praefectus. L. & S.

D I O M E D E S P A N I C I , S. R. C. Secretarius.

Praesens exemplar authenticum concordat cum Originali approbato. In fidem etc. Ex Secretaria Sacro r. Rituum Congregationis die 7 Ianuarii 1898.

D I O M E D E S P A N I C I , Secretarius.,