EX SEGRETARIA RREVIUM 479

est suavis imago S. Antonii in ulnis gestantis Puerum Deum, et quasi gratias ab Eo implorantis, quae imago invitare quodam modo christifideles ac provocare videtur ad expetenda beneficia, quibus acceptis dent stipem obligatam, quae absumatur in em- ptione panis pro pauperculis. Ex quo fit ut Vincentianae Soda- litates, quae proletariorum familiis necessaria vitae cibaria ex in- stituto dispensant, validum ab Antonio praesidium et columen sibi polliceantur. Quae cum ita sint volenti lubentique animo Nos admotis precibus obsecundamus, et ad augendam fidelium religionem animarumque salutem coelestibus Ecclesiae thesauris pia charitate intenti, omnibus et singulis utriusque sexus chri- stifidelibus, qui vere poenitentes et confessi ac S. Communione refecti, tredecim feriis tertiis continuis et non interpolatis vel tre- decim Dominicis item continuis et non interpolatis, quolibet intra annum tempore, ad cuiusque arbitrium eligendis, piis medita- tionibus vel supplicationibus vel aliis pietatis exercitationibus ad Dei gloriam eiusdem Sancti honorem vacaverint, qua ex his fe- riis tertiis vel Dominicis id praestiterint, Plenariam omnium pec- catorum suorum Indulgentiam et remissionem vel defunctis ap- plicabilem misericorditer in Domino concedimus. In contrarium faciem non obstant, quibuscumque. Praesentibus perpetuis fu- turis temporibus valituris. Volumus autem, ut praesentium Lit- terarum transumptio seu exemplis etiam impressis manu alicu- ius Notarii publici subscriptis, sigillo personae in ecclesiastica dignitate constitutae munitis eadem prorsus fides adhib itur, quae adhiberetur ipsis praesentibus, si forent exhibitae vel osten- sae ; et praecipimus, ut praesentium Litterarum (quod nisi fiat nullas easdem esse volumus) exemplar ad Secretariam S. Con- gregationis Indulgentiis Sacrisque Reliquiis praepositae defera- tur iuxta Decretum ab eadem S. Congregatione die XIX Ianua- rii MDCCLVI latum et a Benedicto XIV Decessore Nostro rec. mem. die XXVIII dicti mensis probatum. Datum Romae apud S. Petrum sub annulo Piscatoris die I Martii MDCCCXCVIII Pon- tificatus Nostri Anno vigesimo.

Pro Dno Card. MACCHI

NICOLAUS MARINI Substitutus.