MONASTERIEN. 479

sit ad sedandam libidinem. Ad primam quaestionem respon- det affirmative consultor canonista, cui contradicit medicus: alteram responso affirmativo dimittit medicus refragante ca- nonista. Principia ad solvendam primam quaestionem, ut in oculos insilit, sacri canones suppeditant, principia ad al- teram dirimendam ars medica. Hoc unum obsecro, Patres Amplissimi, ut canonistam sequamini, dum interpretatur canones, audiatis medicum, cum medicus agit.

Post ea quae disputât eximius consultor theologus, cui plene adhaereo, hoc unum mihi superest, advertere scilicet lectissimum consultorem canonistam immerito arbitrari con- troversiam praesentem diremptam haud esse a Sacra Con- gregatione Sancti Officii : quippe quae episcopo regien. quae- renti : « Num mulier N. N. cui operatione chirurgica abla- ta sunt duo Ovaria et uterus, admitti possit ad matrimo- nium contrahendum? » die 30 Iulii 1890 respondit: « Re mature perpensa, Emi Domini Cardinales Inquisitores Gene- rales decreverunt matrimonium non esse impediendum ».

Profecto inter casum propositum S. C. S. O. et contro- versiam nostram non video aliud discrimen quam quod ibi ageretur de matrimonio contrahendo, hic autem de contra- cto. Iam vero in matrimonio contrahendo obtinet vulgatis- simum adagium : « In dubio tutior pars est eligenda » ita exigente tum sanctitate Sacramenti, quod periculo nullita- tis exponendum non est ; tum ratione contractus; iniquum namque est, ut alter contrahentium ad onus certum alte- rum obstringat, cum incertum sit an ipse onus, quod in se suscipit, adimplere possit. At longe alias se res habet quando agitur de matrimonio contracto. Hoc enim minime dissol- vitur, nisi certa sit nullitas, ceu liquet vel ex ipsa trala- titia dubii formula: « An constet de matrimonii nullitate ».

Nec meliori omine egregius contradictor autumat Decre- tum illud, cum careat legitima promulgatione, ligare so- las personas recurrentes integrumque esse SS. Congrega- tionibus in simili vel fere identico casu contrarium decer- nere. Domini enim Cardinales eo Decreto definierunt quae-