482 COMMENTARIUM

Ulterius ad inducendam prohibitionem quamlibet lex aut decretum principis exigitur. Nos autem, saltem in praesentia- rum, nullam sive legem, sive decretum novimus, quo interdi- catur Actorum in Causis Servorum Dei publicatio post confe- ctam Canonizationem.

Demum acta eiusmodi, causa pendente, typis amandata fuere Promotoris fidei auctoritate, cuius auctoritas in Servorum Dei causas cessat post confectam Canonizationem. Pendente hinc causa, satisfactum legi est; causa confecta, cum cessaverit Pro- motoris fidei auctoritas, ad eadem acta vel alia iterum impri- menda, nulla alia requiritur auctoritas nisi aut Episcopalis, aut S. Palatii Apostolici Magistri.

Ad eiusmodi conclusionem elidendam necessarium esset aut afferre decretum aliquod S. C. Rituum, quo statuatur, etiam post confectam Canonizationem, acta eiusmodi imprimi et pu- blicari iterum non posse sine praedictae Congregationis licen- tia; quod decretum et in praesentiarum nobis incompertum est, et praxi contradicit, cum, ut diximus, acta eiusmodi et alia post confectam Canonizationem publicata fuerint, non requisita Con- gregationis Rituum licentia; aut eiusmodi prohibitionem con- stitui prorsus ex praesenti Leonis XIII lege; quod probandum est; praesertim cum id ipsos eiusdem Congregationis Praefe- ctos latere noscamus. Cum igitur nulla lex, nullumque adsit decretum contrarium statuens, conclusio nostra stabit immota.

Attamen, ut sententiam nostram in re humillime profera- mus, expediret, ut eiusmodi decretum quo statuatur ut etiam post confectam Canonizationem iterum ea imprimi et publicari non possint quae pertinent ad Beatificationem et Canonizatio- nem Servorum Dei, ab Eminentissimis Congregationis Rituum Praefectis ederetur. Plurima enim in eiusmodi actis intercedunt quae ex vulgi obtutibus amovenda prudenter esse nemo igno- rat ; ut ex. gr. quando agitur de personis, quae sive bona fide, sive odio et inimicitia persecutiones, accusationes, calumnias in Dei Servos excitarunt, illaeque sint dignitate praesertim eccle- siastica praestantes ; de monitionibus quibusdam per Dei Servos liberrime exhibitis cuiuscumque dignitatis hominibus, qui bona de cetero existimatione gauderent, nisi his monitionibus eorum vitia in propatulo posita fuissent; de iis quae aliquando Dei Servi a diabolo passi sunt, atque de tentationibus quibus pro- bati fuere, quae aliquando adeo sunt horribiles, ut pene incre-