INSTRUCTIO 487

INSTRUCTIO quoad Congressiones episcopales per Dioeceses Austríacas.

Quo constet ''firmius atque efficacius vigeat episcopalium congressionum ratio, in Cisleithanis regionibus, iam inducta et Pontificiis praescripta Litteris die 3 Martii 1891 datis ad omnes Imperii Austriaci Antistites, Sanctissimus Dominus Noster Leo divina Providentia Papa XIII, pro Apostolica sua sollicitudine et caritate, quae super hac re adhuc in valuerunt, confirmare ac probare dignatus est, aliaque iis adiicere constituit, atque ab hac sacra Congregatione Episcoporum et Regularium consulta- tionibus praeposita universis Austriae citerioris locorum Ordi- nariis significari decrevit; prout sequitur:

I. Quinto quoque anno, crebrius etiam pro re nata vel ne- cessitate, Austriaci Imperii omnes et singuli Archiepiscopi et Episcopi Vindobonae conveniant, de communibus ecclesiarum suarum commodis aut negotiis, deque gerendis cum potestate civili rebus coniunctim acturi.

II. Septeni praesules, plenarii coetus suffragiis in Consilium permanens adlecti, bis quolibet anno, Vindobonae pariter con- grediantur, res ad deliberationem plenarii consessus comparan- das, eiusque exequenda mandata curaturi.

Sessionum acta, sive generalis conventus, sive ipsius per- petui consilii, cum Episcopis scripto communicent.

III. Curent insuper uniuscuiusque provinciae ecclesiasticae vel civilis ditionis Archiepiscopi et Episcopi omnes, singulis an- nis, provinciatim seu regionatim coire, ut de impeditioribus ec- clesiarum suarum negotiis concorditer agant.

Ad huiusmodi porro coetus annuos per provincias regio- nesve celebrandos, occasionem idoneam, aptam sedem, coadu- nandorum praesulum ordines, ipsa definiet politicarum per di- tiones singulas congressionum ratio, quibus Episcopi, stata lege quotannis intersunt.

IV. Episcoporum conventus, sive plenarios, sive peculiares, convocet ac moderetur, qui, inter congressuros, gradu et anti- quitate in ecclesiastica hierarchia ceteris praeest; eique parere cuncti teneantur in iis quae coetum spectant.

Secretarii vero munere ille fungatur quem Episcopi suffra- gio suo designaverint.

V. Res ad deliberandum hae maxime congressuris propo- nantur: - christiana populi eruditio, atque institutio iuventu-