489

BURDIGALEN. Beatificationis et Canonizationis ven. servae Dei ioannae de Lestonnac fundatricis ordinis Filiarum Beatae Mariae Virginis.

SUPER DUBIO

An, et de quibus miraculis constet in casu et ad effectum de quo agitur?

Mystici agri Dominus opportunis temporibus non lectos tantum viros mittit operarios in vtneam suam, sed etiam mu- lieres fortes, de quibus in libro Sapientiae scriptum est « ac- cinxit fortitudine lumbos suos et roboravit brachium suum ». Cuius rei exemplo esse possunt et Birgitta, et Catharina Flisca, et Ioanna Francisca Fremiot de Chantal, et romanae urbis de- cus Francisca aliaeque sanctissimae feminae quamplures, qui- bus non suae tantum saluti prospectum est, sed proximorum. His merito accensenda est Ioanna de Lestonnac, quae et ipsa in agro Domini de fructu manuum suarum plantaoit vineam, instituto novo ordine piarum mulierum quem a Domina Nostra nuncupari voluit. Orta est Ioanna anno M D L V I honesto genere. Vel a primis annis ita virtutibus- eluxit ut futurae sanctitatis facile liceret divinare fastigium. Eius autem adolescentia, eo maiorem sibi postulat laudem, quo infestiora nacta est publica tempora. In eam enim incidit aetatem, quum Calviniana per Galliam grassaretur lues, ex qua catholicis plurimum periculi obiiciebatur. Nec publica tantum defectionis exempla puellae obversabantur oculis, sed etiam domestica. Nam ipsa mater quum Calvini partibus atque erroribus studere coepisset ma- xime, quotidianum creabat filiae periculum augebatque metum ne haec, materais capta blanditiis, victas aliquando cederet manus. Verum divinae gratiae praesidio, quod constanti pie- tate mereri curavit, quum evasisset incolumis, de perfectiore vitae genere in aliqua religiosa domo suscipiendo cogitare coe- pit; idque statim effecisset, nisi patris obstitisset voluntas, qui eam nuptum dedit viro nobilissimo. Hoc vita defuncto, ad pri- stina vota reversa, se in Tolosanam domum recepit piarum

EX S. CONGREGATIONE RITUUM