491. De sancto Thoma.
Ad Completorium.

1. Sancte Thoma apostole,
Doctor Indorum inclite,
Pro nobis Christum rogita
Per sua sacra vulnera.

2. Glorificati corporis

Vulnus dum tangis digitis,
Divinitatis abyssum
Hausisti atque profundam.

3. Hinc resurgentis itaque
Es testis constantissime,
A peccatis nos surgere,
Virtutes fac perficere.

4. Christus te misit propere
Cum Abbane descendere,
Palatium construere,
Quod perfecisti coelice.

5. Et regis in convivio
Pincerna alapacio
Injuste caedit et probrat,
Hoc Deus digne vindicat.

6. Signis coruscas variis,
Multis quoque prodigiis,
Dum regem facis credulum,
Sponsam ejus ac populum.

7. Omnes curasti larguidos
Et suscitasti mortuos,
Obsessos solvens homines.
Cunctos depellens daemones.

8. Sit trinitati gloria,
Laus, honor et potentia,
Ut sancti Thomae precibus
Jungamur coeli civibus.