492 COMMENTARIUM

tequam imprimatur ! Etenim iure proprio et nativo gaudere vi- dentur Episcopi cognoscendi et-censuram instituendi in libros, qui in suis Dioecesibus imprimuntur.

R. Non potest, cum per hanc novam a Leone XIII pro- mulgatam legislationem eo officio fuerint exonerati.

Quid autem si auctor praetermisso examine et approbatione obtinenda ab Episcopo loci, in quo librum publicare intendit, ab uno Episcopo loci in quo liber imprimitur, sed non publi- catur, approbationem referat?

R. Liber eiusmodi prohibitus censeri nen debet, cum nulla lege prohibitione obstrictus teneatur; et quamvis a non idonea, neque competenti, tamen ab auctoritate ecclesiastica approba- tionem retulerit, in quo auctor se Ecclesiae auctoritatem revereri demonstrat. At Episcopus loci in quo liber publicatur nulla obligatione tenetur standi iudicio Episcopi loci impressionis, et potest ad suum iudicium librum revocare, et eius publicatio- nem impedire donec legibus ecclesiasticis satisfactum fuerit.

Eadem sed vero dicenda forent si auctor, posthabita Epi- scopi loci in quo liber publicatur approbatione, illum publica- ret ; cum enim Legislator eiusmodi publicationes poena prohi- bitionis non afficiat, Episcopus utique poterit eius publicatio- nem impedire, poterit etiam librum prohibere, si prohibitione dignus appareat; at ipso iure prohibitus haberi non potest, cum legem prohibentem non habeamus.

Ut autem ex paragrapho constat, ad Episcopos illorum ap- probatio librorum pertinebit quorum censura praesentium De- cretorum vi Apostolicae Sedi vel Romanis Congregationibus non reservatur ; libri autem, de quibus agitur in praecedentibus paragraphis huius Capitis aut Romano Pontifici, aut Romanis Congregationibus reservantur. De aliis ergo Episcopi solliciti sint oportet.

73. Regulares hac in paragrapho 36 stricto sensu accipien- dos esse opinamur, cum in lege odiosa ve r semur ; eos conse- quenter qui votis solemnibus obstringuntur, sine quibus nullus Ordo vere regularis et religiosus censetur. Votorum autem sim- plicium Instituta, casu aliquo excepto, Episcopi iurisdictioni sub- duntur, atque cum eorum homines religiosi proprie dicti non sint ad Clerum saecularem pertinere dignoscantur; huius au- tem Superior Episcopus est. Si autem qui vota sua his in In- stitutis nuncupavere, regula aut praecepto obstringantur ne