510 EX S. POENITENTIARIA APOSTOLICA

DUBIUM ; inchoari ne potest, incipiente die ecclesiastico, nova visitatio quatuor Ba- silicarum, iam expleta eodem die naturali.

Super dubio sequenti de visitatione Sacrarum Basilicarum quoad indulgentiam Iubilaei lucrandam, ut conditio necessaria praescribitur, quaeritur: Utrum terminata eodem die naturali visitatione quatuor Basilicarum, statim possit, quando incipit novus dies ecclesiasticus, inchoari nova quatuor Basilicarum visitatio, iterum ingrediendo in Basilicam ultimo loco visitatam.

Die.28 Ianuarii 1900. Sacra Poenitentiaria ad propositum dubium respondet:

Affirmative. Datum Romae in S. Poenitentiaria die 31 Ianuarii 1900.

NONNULLA DUBIA excerpta ex Constitutione Quoniam divinae. (1)

N0. IV. - Absolvere possint a supra dictis censuris et peccatis poenitentes, quamvis censurae, quibus adstricti sunt publicae sint, in locis unde venerunt (1) et quamvis de- ductae aut nominatim declaratae ac denunciatae in iisdem locis sint per Ordinarios aut quoscumque Iudices : praemonitis tamen poenitentibus de libello, ut infra, in casibus publicis (2). Poeni- tentiariae Apostolicae omnino submittendo . . . . . . . .

Haereticos vero, qui fuerint publici dogmatizantes, non ab- solvant, nisi, abiurata haeresi (3), seandalum, ut par est, repa- raverint (4).

D U B I A

I. (1) His verbis, exclusi ne intelligi possint, qui Romae de- gunt, cum de his non videantur stricto sensu verificari verba - in locis unde venerunt -, an etiam cum his eadem ac cum aliis regula servanda est?

II. (2) Libellus, de quo agitur, confici ne debet indiscrimi- natim de omnibus censuris, dummodo sint publicae, quamvis non sint deductae, aut nominatim declaratae ac denunciatae, an tantum de publicis quae sint insimul deductae, aut nominatim declaratae, ac denunciatae?

(1) Relata fuit Constitutio haec Vol. XXXII, 265.