518. De sancto Wandregiselo.

1. Qui solus orbis auctor es,
Polum pugillo contines
Terramque palmo ponderas,
Nostris adesto sensibus.

2. Digne queamus promere,
Quae sanctus afflatus Deo
Wandregisilus gesserat
Tua favente gratia.

3. Dei vir ipse crctus est
Ex stirpe valde nobili,
Ex gente clara Franciae
Origo carnis tracta est.

4. Mox alta Christi munera
Percepit ab infantia
Castaeque vitae semina
Aetate prisca senserat.

5. Sponsam suam Christo sacrat
Donatque coelo virginem,
Et ipse castus permanet
Coeli locandus sedibus.

6. Tunc arma Christi sumpserat
Castrisque sanctis se dedit
Monasticamque regulam
Perquirit aure vigili.

7. Verbum Dei fideliter
Ubique pandit plebibus,
Exempla sancta condecens
Plures ad astra vexerat.

8. Fontana bullit lucida
In valle profundissima,
Quam juxta cellam condidit
Et claustra Christi famulis.

9. Foedata morbo corpora
Sanata reddit usui,
Lumenque caecus accipit,
Vocemque surdus hauserat.

10. Turbas fugavit daemonum
A cordibus fidelium,
Omnesque verbo luminis
Mundantur in munditia.

11. Beata astra jam petit,
Terras relinquit spiritus,
Coelestibus cum . civibus
Vitam beatam continet.

12. Exempla patris incliti
Semper tenete, filii,
Queatis ut virtutibus
Gaudere cura coelestibus.

13. Deo patri sit gloria
Ejusque soli filio
Cum spiritu paraclito
Et nunc et in perpetuum.