V A R S A V I E N . SEU PARISIEN. 519

iugum enim familiae, una alterave causa, huc illuc diseur- rentes , successu temporis, pluribus in locis commoratae sunt aliquoties ibidem saltem quasi domicilium sibi com- parantes.

Tractatus de nuptiis ineundis coepti sunt sub anno 1873 in statione Balneari vulgo « Spa » ; quum Ioannes Antonius 22 annos natus esset ; Maria Sophia vero aetate esset 20 an- norum. Nupturientes, mutuo capti amore, matrimonium quam citius celebrari exoptabant, quare, ut difficultates non- nullas vincerent a parentibus viri oppositas, statuerunt Dresdae nuptias celebrare, a quo proposito destiterunt, quum Parochus, qui in hac civitate pro catholicis unus est, pro- t e s t a t i sit, se eos matrimonio iungere non posse, nisi sal- tem per sex hebdomades antea in sua paroecia commorati essent. Huic conditioni non acquiescentes sponsi, Parisios se contulerunt, ubi die 31 Decembris 1874, ut matrimonium, quod civile vocant, contraherent sibi falsum de domicilio se- mestrali testimonium compararunt, instaurato postea nempe die 2 Ianuarii 1877) matrimoniali foedere in Paroecia S. Sulpitii.

Hoc matrimonium, quod felicem haud habuit exitum, impetit, ex vitio clandestinitatis, vir asserens, neve se, neve suam sponsam, ad mentem Concilii Tridentini, habuisse sal- tem quasi domicilium, pro sortiendo proprio parocho in pa- roecia S. Sulpicii. Hanc petitionem vir promovit anno 1883 apud Curiam varsavien, quando iam Tribunal civile craco- viense ad instantiam sponsae decreverat, mense Maio 1883, corporum separationem et filium quem iam habuerant, com- mendaverat tutelae Matris. Haec enim fatetur, se iampri- dem cognovisse, virum cum alia muliere rem habere, a qua et filios susceperat; quamobrem, mortuo avo, qui patrimo- nium magna ex parte huic nepoti legaverat, ne filius cum suis bonis in viri potestatem deveniret eiusque malos mores imitaretur, Maria a Tribunali petiit et obtinuit, ut decreta corporum separatione, filius in suam tutelam vindicantur, prouti factum est.