524. De sancto Wilhelmo.
Ad Vesperas.

1. Exsultet jam coelestium
Chorus sacratus civium,
Lupum facit agniculum
Deus, creator omnium.

2. Bernhardus sacro munere
Plenus transmisit propere
Wilhelmum eremicolae
Jam lucis orto sidere.

3. Erepto labe saeculi
Loricam tradens militi
Mores transvertit animi
Summi largitor praemii.

4. Romanum ad pontificem
Festinans flectit verticem,
Quem post claudit annis novem
Urbs beata Jerusalem.

5. Hinc remeans ad Tusciae
Fines privatur lumine,
Quem mox reformat gratiae
Splendor paternae sig. 1 o -
riae.

6. Ad montem transit eremi,
De pruno miles Domini
Cordis calore fervidi
Ad coenam agni providi.

7. Rapit Satan in cellula
Virum Dei dans verbera.
Cujus coelestis medica
Fit porta Christi pervia.

8. Divinum ad praesidium
Fugit in Rhodis stabulum
Contemplans Dei filium,
Magnum salutis gaudium.

9. Voce lapsa divinitus
Sodali datur socius,
Rubet in mortis ictibus
Bellator armis inclitus.

10. Sancti deposcat merita
Hujus mater ecclesia,
Ut impetret in gloria
Beata nobis gaudia.

11. Summa tu nobis caritas
Adsis, divina deitas,
In mortis poena, pietas,
O lux beata trinitas.