528 COMMENTARIUM

» haeresim propugnantes, excommunicationem incurrant, de qua » Bulla Apostolicae Sedis 12 Octobris 1869 in excom. R. Pon- » tifici speciali modo reservatis art. 2 ».

R. Ad 1 affirmative (a). Insuper debent haeresim propugnare. «Propugnat vero hae-

« resim, ut scribit S. Alponsus, liber qui accitis rationibus hae- « resim stabilire et pro viribus defendere intendit. E contra non « propugnat haeresim liber, in quo obiter et paucis verbis ac « quasi aliud agendo haeresis aliqua proponitur. Attamen ut li- « ber haeresim propugnare dicatur, opus non est ut materia « libri per se sit religiosa, sed sufficit ut ad evincendam hae- « resim aliquam dirigatur, quam data opera et ex instituto pro- « bare et defendere conetur » {b). Satis hinc non est ut haeresim contineat. (Cf. pag. 54).

Attamen quamvis liber haeresim propugnet, ut quis legendo excommunicationem incurrat, legere debet aut partem quae propugnat haeresim, aut aliquam notabilem partem, si materia sit indifferens, ut etiam S. Alphonsus opinatur (e).

Legere demum, imprimere, retinere debet sine facultate Sedis Apostolicae, quo nomine etiam Congregationes Inquisitionis et Indicis veniunt ceteraeque Romanae Congregationes {d) ; ete- nim hac venia mediante, quaelibet cessat prohibitio et poena.

Superest ut aliquid circa illatam maiorem excommunicatio- nem dicamus.

Cum Romano Pontifici speciali modo reservetur, nonnisi de eiusdem speciali facultate absolvi potest, excepto mortis ar- ticulo, quo reservatio quaelibet cessat; attamen conditione impo- , sita standi mandatis Ecclesiae si infirmus convaluerit. Qui abs- que eiusmodi speciali facultate hanc excommunicationem absol-

(«) Acta S. Sedis XXIV, 625. {b) Eiusmodi S. Alphonsi testimonium ex aliis scriptoribus excepimus. Nos ta-

men penes S. Doctorem in locis indicatis, et aliis quae pervolutavimus, reperire ) non potuimus. Adhibuimus vero editionem Marietti anni 1880. - Hoc pro lecto- rum notitia, et nisi oculi nos fefellerunt.

(c) Lib. VII, n. 284. Cfr. Arndt Op. cit. 218. (d) Id constat etiam ex declaratione S. Officii diei 15 Ianuarii 1892. Propo-

sito enim dubiio « II. Utrum per acta a S. Sede profecta designentur tantum acta « quae immediate a Summo Pontifice proficiscuntur, an etiam quae mediate a Sum- « mo Pontifice proficiscuntur, an etiam (sic) a SS. RR. Congregationibus prove- i « niunt ? »

« R. Ad II. Negative ad 1 partem; affirmative ad 2 ». (Acta S. Sedis XXIV, 625).