530. De sancto Winwaloeo.
Hymnus tertius.

1. Alme dignanter supplicum
Precibus munda delictum,
Winwaloe, coelestium
Coenobita sublimium.

2. Britigena mirabilis,
Luminibus expers solis,
Nostrae lucifer patriae
Missus es regum rectore.

8. Coelicola cum terrenis
Moribus lucens optimis,
Spernendo mundi lubrica
Aeterna capis munera.

4. Dictis pascebas mellitis
Horis socios diversis
Domini serens semina,
Quo ille metat centupla.

5. Educatus sanctissime,
Sancto plenus spiramine,
Cum dicidisses literas,
Canonis scisti scripturas.

6. Felix schola, quae praeclaris
Ditavit sanctum rivulis,
Non pedetentim descendit,
Sat corde sed prono luxit.

7. Gliscebat pectus perlustrans
Intellectus coelo manans,
Excedens cursus solares
Divinos augebat mores.

8. Hunc solus Christus perfalsit,
Talia qui nobis dixit:
Non magistrum in tellure,
Sed sursum illum quaerite.

9. Instaurando crus infantis
Ostendit signum virtutis,
Ne sub modio submissa
Luceret sed sursum taeda.

10. Katervasque languentium
Visitabat et pauperum,
Cam non haberet terrestres
Gazas, praebebat coelestes.

11. Letiferis morbis captos
Hic sanavit tum plurimos,
Quos calculo comprendere
Nequimus neque scribere.

12. Mare pone coenobium

Primus transivit per siccum
Assequente coetu fratrum
Christo regi psallentium.

13. Nescia sui natura

Ritus, sancto sed subjecta,
Aditus dedit gressibus
Fundum silvae quaerentibus.

14. Orante isto fulgidam

Per venas emisit lympham
Tellus, carens prudentia,
Precantis nec sprevit corda.

15. Per quem procul pulsa morte
Revixerunt in corpore
Bini, quos letum perdidit,
Praeter quem serpens occidit

16. Quod fecit, non omittamus,
Ternis quoque latronibus,
Carnis peste quos sanavit,
Christicolas quos perfecit.

17. Roscido sparsit famine
Gradlonum, ducem patriae,
Qui ut ager non spinosus
Fructus reddidit centenos.

18. Signum gessit mirabile,
Sororis sibi germanae
Ventre traxit ogae ptalmum
Locavitque ceu alterum.

19. Tui precatus munere
Nostrum reatum dilue,
Ne nostri penetret cleptis
Callidus sinum pectoris,

20. Ululantem ceu sanasti
Dolore dentis maximi
Cujusdam natum principis,
Sic intercedas pro nobis.

21.Xristus per te custodiam
Praestet nobis indefessam,
Pellat cursus gentilium,
Similiter et daemonum.

22. Ymnum Deo noster chorus
Concinit tuis actibus,
Tu pro nostro peccamine
Preceris clementissime.

23. Zelo devicto perfidi
Coelo simus praesentati,
Ne patiamur tartara,
Sed vehamur in gloria.

ANALECTA HYMNICA

MEDII AEVI

Herauhgegeben
von

Clemens Blume und Guido M. Dreves.