VARSAVIEN. SEU PARISIEN. 551

tatio iuncta cum animo per notabile tempus in publico di- versorio habitandi inepta esset ad nuptias rite celebrandas ; •sed nihil magis praedicatum in iure est quam quod habitatio in privata aliqua domo prouti etiam transportatio supelle- ctilium attenduntur solummodo in rebus dubiis ad eliciendas praesumptiones, at quando constat de habitatione et animo ad notabile tempus manendi, praesumptio veritati cedat oportet, etsi sit in diversorio, etsi supellectilia invecta mi- nime sint. In duriori specie Rota coram Merlino Toletana matrimonii diei 10 Decembris 1625 tradit : « Neque obstat quod ex dicta non transportatione mobilium, reditu et per- manentia, iuncta praesertim reconciliatione cum Capitaneo Didaco (apud quem prius habitabat una cum sorore) depre- hendi videatur vel D. Mariam nunquam habuisse animum deserendi antiquam habitationem, vel saltem illum postea •deposuisse, ac denuo in eadem Capitanei domo (ubi soror permanebat) permanendi voluntatem reassumpsisse. Quia quod ultra testes dicunt, mobilia ideo non fuisse transpor- tata, quia domus Quintilii (in quam migraverat D. Maria) non erat capax, et ex eadem causa D. Maria in ea ancillas retinere non potuisse, ad constituendum alibi domicilium, sive habitationem non est necessarium, quod quis res suas cum familia detulerit ; haec enim et similia considerantur in dubio ad eliciendas praesumptiones, secus vero quando adest aperta animi declaratio, tum ex verbis saepius et palam reiteratis, tum ex facto per demigrationem personae, si non cum tota supellectili, saltem cum vestibus, linteaminibus et ornatu muliebri ».

Demum, advertit Orator, quod ex eo quod statim ac ma- trimonium initum est, Maria Ioannem extra sancti Sulpitii paroeciam sequuta est, aliquid detrimenti matrimonii valor non persentit. Si ita esset, puellae, quae cum parentibus habitant, puellae, quae inserviunt viris alia in parochia degentibus valide minime nuberent antequam parentes vel heri in parochia, ubi celebratur matrimonium per maiorem anni partem permanserint.