POLYCASTREN. 535

hilo secius sodalium negligentia in prosequenda appellatione non immutata perseveravit ; donec sub exitu superioris anni prodiit decretum Ponatur in folio unde partium procura- tores contestati sunt rogandi formulas ; I. An sit locus ap- pellationi in casu. Et quatenus affirmative. II . An sententia curiae archiepiscopalis salernitanae sit confirmanda vel in- firmanda in casu.

Quoad primam quaestionem cleri procurator notat, tres terminos (quos fatalia vocant), praestitutos fuisse appel- lantibus. Datur primus appellationi faciendae (fatalia in- choandae appellationis), alter causae instituendae (fatalia introducendae coram superiore appellationis), tertius pro- sequendae (fatalia prosequendae et finiendae appellationis) apud iudicem appellatum. Incassum agit, qui postea pro- vocavit. « Cum post decem dierum spatium sententia in auctoritatem rei transeat iudicatae , qui ad provocationis subsidium infra id tempus non recurri t , appellandi sibi aditum denegavit ». (Innocentius III cap. 15 de sent. et re iud.). Instituenda intra sex menses causa, est intra an- num prosequenda. « Porro tempus a iure definitum ad apo- stolos praesentandos , et appellationem insinuandam iudici ad quem, est sex mensium (I. 2. C. de tempor. appellat.) quod currere incipit, non a die latae sententiae, sed a tem- pore interpositae appellationis ». (Pirhing ius, Can. t. II. tit. XXVIII de appel. % CXLV). « Sicut appellationem iudicialem sic extraiudicialem intra annum a die interposi- tionis ipsius vel a die filati gravaminis, ubi a futuro gra- vamine appellatur, prosequi et finire tenetur appellans. Quod si iusto impedimento cessante non fecerit, debebit eius appellatio deserta censeri ». (Clementina sicut appell. 3 de appell.).

Atqui, instat orator, appellatio mense maio intercessit (die 7 maii 1897) ; quinque mensibus, postquam Archiepi- scopus, quid iudicasset per nuncium certiores fecerat soda- les (die 9 dec. 1896).

Neque prodesse potest iuxta oratorem appellatio propo-