quibus continetur textus integer Evangeliorum in lingua gallica sine aliqua nota?

R. Possunt; quia hi libri habentur, et sunt reapse libri de- votionis, quorum approbatio pertinet ad Episcopos. Neque ob- stat quod Evangelia absque notis contineant; etenim § 7 novi iuris sermo est de versionibus vulgaribus Sacrae Scripturae; hi autem libri sub eiusmodi censu non veniunt. Demum cum hi libri ob eorum maximam diffusionem nedum Episcopis, sed etiam Romanae Sedi sint plane comperti, neque quis in eos vocem extulerit, non sunt locorum Ordinarii inquietandi, si eos approbent.

MONITUM AD LECTORES

Pag. 95 huius Commentarii scripsimus : « Exinde vero ne- « mo inferat, sub eiusmodi paragrapho illos etiam comprehen- « di, qui negarent omnes prorsus et singulas Sacrarum Scri- « p turarum res atque sententias sub divina inspiratione scriptas « fuisse ».

Et quidem recte et vere quantum ad expositionem legis attinet; qui enim unam vel aliam Divinarum Sripturarum senten- tiam inspiratam esse negarent, dici non possent inspirationis Sacrae Scripturae extensionem nimis coarctare, neque Legisla- tor horum damnare libros. Quod ex facto constat: sunt enim etiam inter catholicos qui id affirmaverint, quin idcirco eorum libri ab Romanis Pontificibus damnati fuerint. Cetera ad ver- bum usque impiraverit revocamus.