POLYCASTREN. 343

que : « A quibuslibet extraiudicialibus actibus , in quibus potest appellatio interponi, quisquis ex eis gravatum se reputans, per appellationis beneficium gravamen illatum desideraverit revocari, infra decem dies, postquam sciverit, si velit, appellet » (cap. VIII, de appellationibus in 6). Hoc, quod de extraiudicialibus actibus Bonifacius sanxerat, eadem extante ratione', ad acta etiam iudicialia delatum est: ita ut terminus decem dierum ad appellandum ab adversa sen- tentia, si ea in absentem lata fuerit, incipere debeat, non a die quo sententia promulgata e s t , sed a die quo conde- mnatus eam cognoverit. Quumque legitima sententiae scien- tia eveniat per eius denuntiationem; hinc fit, ut sententia gravato permittatur facultas appellandi, usque ad decimum diem ab eius denuntiatione.

Verumtamen perspicuum est, haec quae in favorem ap- pel lantem recepta sunt , non esse in eorum damnum ita detorquenda, ut frustra appellare ille dicatur , qui absens condemnatus, antequam sententia per apparitorem signifi- cetur, iudicem superiorem appellet. Libenter concedo, nullam vim iuridicam illi esse provocationi tribuendam, quae nihil certi ac definiti prae se ferat, ut si quis dicat : appello contra omnes sententias, a quacumque auctoritate, quovis tempore , in me latas vel ferendas. At tenet provocatio, quando fit contra certam quamdam sententiam, etsi nondum legitime denuntiatam. Atqui talis est provocatio, sodalitii nostri ad S. C. Congregationem.

Ergo non agitur de vaga quadam ac indefinita provo- catane : his enim verbis praecise sententia definitur, con- tra quam provocatio fit; patetque eum, qui provocat, sen- tentiam probe novisse: scit enim editam eam fuisse « in data dei 28 p. p. novembre » : scit quod per eam « si an- nullava quella in favore della sullodata congrega emessa dalla r.ma curia diocesana » : addit, provocandi potestatem petitam a sodalitii moderatore esse confratribus , ab iisque concessam fuisse « con deliberazione del 2 corrente » (men- sis nimirum ianuarii). Num haec omnia dici ac fieri potuis-