546 PIOTAVIEN. ET NANNETEN.

Quidquid autem sit de Pauli affirmatione, certum autem est quod ex contraria sponsorum indole ac ingenio admo- dum difficilis cohabitatio coniugalis evasit ; ideoque vir mense Decembris Nannetibus uxore derelicta, Pictavium petiit, di- vortium a iudice laico praestolaturus, ac postea mense Iu- lii 1890 a Summo Pontifice dispensationem petiit, cum suum coniugium ob uxoris reluctantiam, nunquam esset consum- matum.

Disceptatio Synoptiea

DEFENSIO PAULI. Actoris Pauli patronus suam exordi- tur defensionem notando, quomodo ipse statim sategit iussu S. C. C. ad examen adducere tres illos medicos, qui ex- traiudicialiter Carolae corpus recognoverant et scriptum de- derant testimonium. Atque, bono fato, isti omnes medici Parisiis formiter interrogati, quod antea scriptura retulerint, non modo iurati confirmarunt; sed etiam opportune aliqua subtexentes explicarunt : ita ut omnes tamen concluderent pro integritate mulieris.

Ex huiusmodi vero declarationibus opinatur advocatus, matrimonii inconsummationem tanta emergere perspicuitate, ut nullus dubitationis locus relinquatur , eo maxime si at- tendantur informationes, quas Curia Parisien, favore medi- corum S. C. remisit, scribens inter alia : « Quod ad ipso- sum scientiam et honestatem spectat nihil nisi boni referre possumus ; docti enim et accurati rectaeque conscientiae viri habentur apud harum partium urbis incolas, ubi degunt ».

Neque, urget orator, in themate obiicere valet, illam singularem opinionem, quae tenet, mulierem, integro hy- mene , consummare matrimonium, imo et concipere posse, quia de Carola parisienses medici affirmant « dans le cas présent la conformation de la membrane hymen n'aurait pas permis même une fois le rapprochement conjugal sans qu'il y eut une déchirure ».

Quod autem matrimonium ratum simpliciter manserit, non modo iuxta patronum ostenditur ex medicorum iudicio,