PICT AVIEN. ET NANNETEN. 547

•sed ex constanti et iurata Pauli asseveratione, quae miri- fice confirmatur a testibus fide dignis, qui sub iuramenti sanctitate plerumque referunt, quae suis oculis suisque auri- bus acceperunt.

Quod si matrimonium Paulus dum Vichiani morabatur, haud consummavit, nec postea, insistit orator, consummare potuit. Cum enim ipse e nuptiali itinere reverterit dolore animi pressus Ioanni Dupré aperuit maximas, quas sibi ob- tulerat difficultates uxor ad explendum actum coniugalem.

Haud aliter, prosequitur, deponit Elisa Lemaire, quae iam a triginta annis cum Pauli matre habitat : refert nam- que, coniuges Pictavii numquam eodem in lecto cubasse, ac frequenter inter eos ortas fuisse altercationes, ideoque co- gitavit, Carolam continuo marito debitum réfutasse.

Ista vero omnia iuxta advocatum non obscure uxor ipsa fassa est, antequam a viro relinqueretur. Habentur namque testes, quibus Carola affirmavit se a copula cum viro pror- sus abhorrere. Ac cum eadem Armanda aliquando Carolam exoraret, ut iustis Pauli desideriis circa officia coniugalia indulgerei, respondere non dubitavit « brisons-la dessus, nous ne nous entendrons jamais sur cette question ».

Orator denique ostendere satagit ad clarius matrimonii non consummationem evincendam, Carolam semper aspero modo maritum tractasse, coniuges ab ipso nuptiarum die abalienatos inter se fuisse, Paulum semper constantem per- stitisse in suis depositionibus, mulierem autem secum pu- gnantia pluries affirmasse, Paulum continuo dedisse exem- pla honestatis et religionis, Carolam e contra impune leges Ecclesiae conculcasse. Quapropter, concludit, sapienter Curia Nanneten, acta causae Romam transmittens iudicavit, Ma- trimonium hoc non fuisse rite consummatum.

De causis ad dispensationem elargiendam necessariis ad- vocatus non loquitur, cum iam pateat plurimas et quidem gravissimas causas ad Pontificis animum inclinandum, ad- esse in praesenti.

ANIMADVERSIONES DIFENSORIS s. VINCULI. Vinculi autem