548 EX S. G. CONCILII

praecedentiae, Piacentina praecedentiae, Maioricen. celebra- tionis missae, Caesaraugustana cathedralitatis, Caputaquen* iuris sepeliendi, Colonien, praecedentiae, Calaguritana iuris visitandi). Si quis enim locum suum potiorem videt ab alia occupari, nec refragatur, imo hoc patienti animo diuturne tolerat; si quis antistitem, cui ipse non erat subditus, per longum tempus ultro admittit ad ecclesiam suam visitan- dam; nonne hic facto suo perspicue animum patefacit, ius suum abiiciendi, seque potestati alterius submittendi? Idem dicas de exemplo a Scarfantonio deprompto, magistratuum nempe, qui per diuturnam consuetudinem sacris ritibus in cathedrali templo adstiterunt. Non enim in hunc finem ci- viles magistratus eliguntur, ut sacris intersint, sed ut tem- poralia civilis universitatis negotia curent. Si ecclesiae r i - tibus interesse volunt, id agere queunt veluti fideles, nec- opus est ut faciant velut magistratus publici : quod si ut magistratus fecerint, diuque ac sine intermissione fecerint, hoc ipso quamdam animi intentionem ostenderunt, velle se- metipsos ad id agendum obligare.

At casus noster omnino diversus est. Agitur quippe de pio sodalitio: pia autem sodalitia ad hoc instituuntur, ut piis operibus, ut sacris ecclesiae ritibus ac praesertim sup- plicationibus operam dent. Atqui inter solemnes supplica- tiones ea potissima est, quae in honorem SS. Corporis Do- mini quotannis ducitur. Quid mirum si ei interesse con- fratres curent? Quidnam in hoc tam abnorme ac extraordi- narium deprehenditur, ut illi, id agentes, dicendi sint iura sua subiicere, minuere libertatem, obligationem erga eccle- siam, ex qua pompa ducitur, contrahere? E r g o , ne hi ef- fectus oriantur, oportebit ut sodalitia , contra suam natu- ram ac institutionem , a publicis supplicationibus omnino* abstineant, vel saltem sedulo curent, ut piam consuetudi- nem eis participandi statutis temporibus abrumpant, ne dum divino cultui promovendo vacant, suam amittant libertatem et se alterius potestati subiiciant : quod quantum rationi re - pugnet, nemo non videt.