POLYCASTREN. 551

ptiones ad quamcumque veritatem evertendam ab obsequen- tibus amicis facillime colligi posse.

Sed ab altera parte quindecim testes, pro sodalitio a Purgatorio rite interrogati, solemniter testati sunt , post annum 1833, sodales ad pompam a clero S. Nicolai die SS. Corpori Domini sacro se non amplius contulisse. Hi omnes auctoritate curiae polycastrensis excussi sunt : ea enim rev. Antonium Ferrari vicarium foraneum oppidi La- gonegro delegavit, ut illos interrogaret. De iis scimus quod tutti sono costituiti in età, godono buona fama, e sono for- niti dei requisiti voluti dal diritto, ipsis iuramentum dela- tum est, previe le necessarie ammonizioni circa la santità del giuramento e le pene comminate contro gli spergiuri. Ita iuramento ab omnibus praestito, singuli, remotis aliis, excussi sunt , non modo de facto consuetudinis, sed etiam de causa scientiae : atque tam consona in substantialibus, tam varia in accidentalibus testimonia protulerunt, ut per- spicue appareat legentibus, eos veritatem depromere , et a nemine de testimonio ab eis reddendo praemonitos edoctos- que fuisse. Testibus igitur tanta cura excussis est omnino credendum. Quapropter non modo non probatur, sodales et- iam post annum 1833 se ad pompam S. Nicolai perpetuo contulisse: sed imo probatur, eos post illum annum ab ea pompa prorsus se abstinuisse.

Planum iam feci, sodales laicos non teneri sacris pompis interesse, ut ex tridentina lege tenentur religiosi sodales. Sed non in hoc cadit nunc quaestio. Rivellenses enim so- dales a Purgatorio non abnuunt sacrae pompae in honorem SS. Corporis Domini interesse: imo id exoptant et instan- ter petunt : tantum postulant id a se fieri posse, salva so- dalitii sui libertate. Duae sunt Ri velli matrices Ecclesiae, quae, ut vobis referebat Emus Furiettus in Polycastren. ma- tricitatis diei 14 septembris 1748, paucis quibusdam ex- ceptis, sunt pares. Sodalitium a Purgatorio ea conditione ortum est , ut neutri ecclesiae sit subiectum : hanc suam libertatem sedulo omni tempore tuitus est, rectoremque suum,