552 FESULANA

redemit solutis libellis 6202, 56, et dein Rectori beneficii pro tempore assignavit annuam pensionem libellarum 260 pro adimplemento oneris 104 missarum, gravantis dictum beneficium, et de statuta pensione a sac. Alamanni beneficii Rectore, sumpta est supra domum hypothecaria inscriptio. Id certo constat ex relativis documentis, sed non ita constat de necessaria venia qua se munire oportebat patronus co- ram Ecclesia ad beneficii dotem legitime vindicandam, imo in Curia Fesulana nullum super hoc extat documentum.

Interea patrono Cardi-Cigoli eiusque uxore viam universae carnis ingressis , Religiosi Patres Scholarum Piarum ceu haeredes universales dictam domum occuparunt. De hoc cer- tior factus Episcopus Fesulanus apud eos primo amicabili via et dein libello oblato apud S. C. Episc, et Regular, in- stitit, ut sibi redderetur domus benef! ciariam dotem consti- tuens et insuper omnia lucra vel summae pecuniae indebite perceptae occasione ipsius detentionis tum a dictis Religio- sis tum ab eorum auctore. Patres Scholarum Piarum parati sese exhibuerunt ad domus restitutionem, praevia tamen re- fusione libellarum 6202, 56, quae sunt expensae pro vindi- cando beneficio : sed expetitam summam titulo lucri dene- garunt et cum nulla concordia possibilis evaserit inter par- tes, quaestio resolvi oportuit iudiciali tramite.

Disceptatio Synoptica

IURA PATRUM SCHOLARUM PIARUM. Patres Scholopii ad entitatem domus beneficialis adstruendam allegant duas pe- ritias, unam an. 1875 et aliam an. 1895 ex mandato ipsius Epi- scopi Fesulani peractam, ex quibus resultat valorem domus ascendere ad libellas circiter 20000 ; qui valor multum decre- scerei, in hypotesi coactae alienationis, attenta praesenti crisi oeconomica. Imo ex mediis decennalibus an. 1860-70 et annis 1859-69 datis ab ipso beneficii titulari exhibitis, confectis quan- do domuum locationes Florentiae maximum pretii attingebant, eruitur domus reditus, non detractis oneribus, non excedere libellas annuas 1300. Iam vero si ex hoc reditu annuali