554 EX S. G. NEG". ECCL. EXTRAORD. PRAEPOSITA

diebus solemnibus, et quoties SS. Eucharistiae Sacramentum publicae fidelium venerationi patet expositum, quamvis haberi non possint ministri sacri, liceat thurificationes peragere.

IV. Ut « Memoriale Rituum » a Benedicto XIII editum pro parochiis ruralibus adhiberi possit etiam in ecclesiis non pa- rochialibus, in quibus verificentur conditiones parvarum eccle- siarum.

V. Ut Sanctitas Vestra ad omnes regiones Americae La- tinae extendere dignetur declarationem S. C. Concilii pro Hi- spania editam die 31 Ianuarii 1880, iuxta formulam in nota art. 592 decretorum Concilii plenarii propositam, idest: Spon- salia quae contrahuntur in regionibus nostris absque publica scriptura invalida esse, et publicam scripturam supplere non posse informationem matrimonialem, neque instrumentum in Curia dioecesana vel alibi conflatum pro dispensatione super aliquo impedimento, ex quo inferri possit promissio serio facta contrahendi matrimonium.

VI. Ut attentis specialibus circumstantiis regionum nostra- rum, clerici etiam simpliciter tonsurati, ultra triennium ab omni officio et beneficio suspensi, elapso suspensionis triennio, privati ipso facto habendi sint iure deferendi habitum talarem et tonsuram, nisi obtineant specialem licentiam in scriptis a pro- prio Ordinario.

VII. Ut tuto admitti possint in regionibus nostris tamquam causae speciales privationis ab officio et beneficio parochiali, praevia legitima seu trina monitione, eae quae habentur in ar- ticulo 820 decretorum Concilii Plenarii, idest:

1. Publica, perdurans graviterque culpabilis infamatio quoad mores sacerdotales, etiam post legitimam admonitionem non correctos, qua cura animarum grave damnum patiatur;

2. Temeraria et post legitimam monitionem contumaciter repetita ad matrimonium admissio eorum, qui publicis impedi- mentis rite non dispensatis detinentur;

3. Omissio temeraria instructionis catecheticae, diebus sal- tem dominicis et festis solemnibus, per maiorem anni partem et post legitimam monitionem pertinaciter continuata. Item te- meraria et post legitimam monitionem iterata negligentia, in administratione sacramentorum fidelibus in articulo mortis con- stitutis, etiam ex sola causa distantiae ab ecclesia parochiali admissa ;