EX S. C. NEG. ECCL. EXTRAORD. PRAEPOSITA 555

4. Gravis, publica et post legitimam monitionem repetita iniustitia et inobedientia in exigendis taxis, praesertim occa- sione matrimoniorum contrahendorum aut funerum, contra le- ges dioecesanas de taxis latas;

5. Gravis, publica, per maiorem anni partem temere pro- tracta, atque post legitimam admonitionem pertinaciter conti- nuata negligentia spiritualis curae et institutionis christianae Indiis et Nigritis paroeciae impendendae secundum normas in legibus dioecesanis praescriptas.

VIII. Ut attentis specialibus circumstantiis regionum nostra- rum circa bona ecclesiastica, Episcopi, praevio Capituli vel Con- sultorum dioecesanorum consensu, facultatem habeant : Io Lo- candi bona ecclesiastica ultra consuetum triennium, usque ad novem vel duodecim annos, dummodo iuxta leges civiles pe- riculum non adsit quod locatio transeat in emphyteusim ; 2° Li- bere alienandi bona ecclesiastica, ubi summa pecuniae non excedat valorem viginti millium libellarum monetae propriae nationis, si necessitas vel evidens utilitas id postulent, et pre- tium inde obveniens investiatur loco honesto tuto et fructifero, favore Ecclesiae seu causae ad quam bona pertinebant.

IX. Ut iuxta articulum 697 decretorum Concilii Plenarii, in unaquaque provincia ecclesiastica hodie existenti, in Seminario Metropolitano vel alio de communi Suffraganeorum voto desi- gnando, erigi possint facultates Philosophiae scholasticae, Theo- logiae et Iuris Canonici, cum privilegio conferendi gradus aca- demicos, servato interim statuto pro facultatibus archidioecesis Mexicanae a S. Congregatione Studiorum approbato, cum onere propria statuta intra annum conficiendi et approbationi eiusdem S. Congregationis Studiorum subiiciendi.

In iis autem nationibus in quibus plures sunt provinciae ecclesiasticae, facultates supradictae erigi valeant in uno tantum Seminario, communi voto episcoporum designando.

X. Ut in memoriam detectionis et conversionis Americae, in qualibet parochia cani possit Missa pro gratiarum actione cum hymno Te Deum, dominica proximiori diei duodecimo Octobris, quo die immortalis Columbus Americam detexit.

XI. Ut Officium et Missa propria S. Thuribii ad universam Americam Latinam extendantur sub ritu secundae classis.

XII. Ut Officium et Missa propria B.M.V, de Guadalupe sub ritu primae class, ad universam Americam Latinam extendantur.