558 ROMANA

3°. Contraria est formae contractus forfait sub qua ei con- credita fuit paroeciae administratio. 4°. Et tandem si spo- lium Religiosi ad praelaturam erecti cedit religioni, a for- tiori ei remanere debet spolium religiosi transeuntis ad al- teram religionem, seu ad aliam Regularem Congregationem.

Neque ex facto quod P. Generalis declaraverit in Epi- stola ad S. Congregationem Episcop. et Regul. sub die 7 Augusti 1897 se indulgere P. Cocci solutionem libel. 484.50, argui licet, subdit P. Generalis, se recognovisse crediti notu- lam. Reponit enim quod id egit tantum amore concordiae, et quoniam haec statui non potuit, idcirco rem remisit su- premo S. Sedis iudicio.

Tandem adnotat idem P. Generalis quod residuum con- gruae cessit in beneficium Novitiatus, et quod P. Cocci numquam uti verus Parochus spectari potuit, quia ipse num- quam se subiicere voluit examini in Vicariatu. Et conclu- dit suam defensionem explicans rationem cur ipse etsi de- bitor, coactus fuerit recurrere ad Supremum Congregationis Tribunal nempe ut praecluderet P. Cocci aditus ad Tribu- nalia laica ad quae minabatur ipse P. Cocci se convertere iuxta ipsius declarationem cuidam Mengoli.

RATIONES EX-OECONOMI CURATI cocci. Ex alia parte hic in allegatione typis exarata ita sua iura protuetur. Prae- mittit quod P. Generalis actione iudiciali caret, quia haec creditori competit et non debitori, cui tantum a iure reser- vatur exceptio; attamen huic conceptui P. Cocci non in- tendit insistere ad eludendam controversiae decisionem, ideo- que refusionem sui crediti seu expensarum, quas ipse susti- nuit in exercendo ministerio paroeciali pro annis 1894-97 contendit certissimam et evidentissimam esse.

Re quidem vera, observat P. Cocci, paroeciae Divinae Providentiae annua summa libell. 3000. assignata fuit ceu dotatio; nulla adest fabriceria vel sodalitas. Inter oeconomum curatum, et ecclesiasticam auctoritatem aderat contractus nominatus do ut facias: hinc congrua quae ad Rectoris Ec- clesiae manutentionem spectabat nullimode a P. Generali