565

MOTU PROPRIO SSmi D. N. Leonis Papae XIII quoad partes explendas a s. Congr. Indulgentiarum.

Christianae reipublicae tam late fusa tamque operosa ad- ministratio omnino postulabat, ut Pontifici romano viri sapien- tes et graves perpetuo assiderent, quibuscum et consilia com- municare et quotidianam negotiorum molem partiri opportune posset. Hinc ea sunt S. R. E. Cardinalium Consilia sapientissime constituta, quae Romanae Congregationes nuncupantur; quorum est quibusdam in caussis ius dicere, de iure respondere, alia- que complura decernere, transigere, quae transigi decernique eorum auctoritate lex et consuetudo iubet. Iis tamen, quod ra- tio, quod naturalis re rum ordo requirebat, non promiscua uni- versis, sed sua singulis potestas data, suumque negotiorum ad expediendum unicuique assignatum genus. Quod sane nisi de- cessorum Nostrorum providentia cavisset, magna erat permi- xtio iuris et confusio futura, simulque spes utilitatum maxima- rum, quas nomini christiano Congregationes Romanae pepere- runt quotidieque pariunt, vel ab initio intercidisset. Iamvero of- ficii Nostri est tueri in eis constitutionem temperationemque nati- vam, efficiendo ut singularum potestas suis contineatur finibus, ac si quid forte minus consentaneum invexerit diuturnitas, e- mendare. His de rebus et caussis cum animum adiecissemus ad sacrum Consilium, cuius muneris est de Indulgentiis San- ctorumque Reliquiis cognoscere ac statuere, aliquod ei officium providentiae Nostrae impertiri vidimus oportere.

Illud videlicet Clemens IX decessor Noster instituit Motu proprio die VI Iulii an. MDCLXIX edito, diligenterque eius quae forent partes praescripsit his verbis: « cum facultate omnem difficultatem ac dubietatem in Sanctorum reliquiis, aut Indul- gentiis emergentem, quae ad fidei dogma non pertineat, Nobis tamen et romano Pontifice pro tempore existente circa graviora difficilioraque consultis, expediendi. Ac si qui abusus in eis ir- repserint, illos, iudicii forma plane postposita, corrigendi et emen- dandi. Falsas quoque, apocryphas indiscretasque Indulgentias typis imprimi vetandi, impressas recognoscendi et examinandi,

EX S. CONGREG. INDULGENTIARUM