564 EX S. G. INDULGENTIARUM

ac ubi Nobis, seu romano Pontifici pro tempore existenti retu- lerit. Nostra seu illius auctoritate reiiciendi... Reliquias de novo inventas recognoscendi quoque et examinandi... omniaque pie, sancte et incorrupte fieret curandi ». Verum ad haec posterio- rum concessu Pontificum alia accessit facultas, nimirum ipsa sacrae indulgentiae munera dilargiendi, adiecta rescriptis clau- sula, praesenti valituro absque ulla Brevis expeditione.

Sed cum huius generis rescriptorum frequentia crevisset praeter modum, iisdemque de rebus rescribere eodem tempore consuesset Curia a diplomatibus pontificiis, abnormis quaedam ac praepostera agendarum re rum consecuta ratio est. Huic in- commodo occurrendum tempestive censuit Pius IX f. r. deces- sor Noster, datoque in id decreto (1) Congregationem Indulgen- tiis sacrisque Reliquiis cognoscendis praepositam extra fines Constitutionis Clementinae excurrere prohibuit, indulgentiarum tribuendarum adempta facultate. « Nos praesenti Motu proprio, et ex certa scientia ac matura deliberatione decernimus ut Con- gregatio eadem pergat quidem retinere quaestiones et discepta- tiones quae super Indulgentiis aut Reliquiis forte oboriantur, et peragere etiam atque expedire alia omnia quae suae dumta- xat institutionis munia respiciunt ad tramites Motus proprii, quem hac de re p rae l auda ta Antecessor Noster Clemens IX dedit sub die VI Iulii MDCLXIX; abstineat tamen omnino ab emittendis actis illis, quae ad Indulgentiarum pertinent conces- sionem ». Verumtamen huius vis decreti sensim excidit, resti- tuta scilicet ea ipsa, quae fuerat adempta, facultate: ita plane ut non minore quam antea numero rescripta edi soleant cum ea clausula, quam supra diximus. Qua re quoniam perturba- tionem ordinis debiti ac vetera incommoda plane renovari, mul- torum testimonio Nobis constiterat, delectis quibusdam S. R. E. Cardinalibus mandavimus, ut caussam mature perpenderent, et quo remedio opus esse videretur, aperte significarent. Igitur cognita eorum sententia, ut sua quique munia serventur inte- gra, Motu proprio et certa scientia decernimus:

I. Ut Congregationi Indulgentiis sacrisque Reliquiis praepo- sitae ea salva iura permaneant, quae Clemens auctor instituit: praetereaque eidem confirmamus, et, quatenus opus sit, de in- tegro concedimus facultates omnes, quae in syllabo, his litteris adnexo, numerantur .

(1) Motu proprio diei II Ianuarii an. MDGGGLV.