EX S. C. RITUUM 569

tatis, atque in suos concives fervidum suum amorem, quo Eu- charistiae Sacramentum atque Deiparam Perdolentem ample- ctebatur, transfundebat. Inde ibidem instituta ab eo triduana ex- positio Ss. Eucharistiae in Maiori Hebdomada a dominica pal- m a r u m ad feriam III, et pium exercitium feriae VI in Para- sceve ad Beatissimae Mariae Virginis inexplicabiles dolores re- colendos; atque illa duo opuscula eius sapientiam ac pietatem redolentia, pr imum super modo et ratione audiendi Missam, alterum super Virgine Matre Desolata. Decorem domus Dei dilexit atque promovit, eleemosynis etiam a fidelibus ad hunc finem collectis; insuper ut sacrae functiones rite peragerentur, ipse cantum ecclesiasticum in quo erat peritus, saepe dirige- bat. Hisce aliisque operibus in Dei gloriam et in proximorum utilitatem intentus, studio et laboribus fractus; sed animo for- tis et patiens dum extremo insanabili morbo afflictabatur, et sacramentis ecclesiae roboratus, die quam praedixerat 22 De- cembris anno 1828, mortem occubuit. Corpus Servi Dei in sa- cello Seminarii Neapolitani prius expositum ac deinceps ad ci- vitatem natalem delatum, ultra tres dies mansit insepultum, concivibus aliquid ex veste vel ex capillis, devotionis causa, sibi diripientibus. Exequiis rite peractis, in sepultura congregationis SSmi Rosarii, tunc conditum fuit et post octodecim annos, au- ctoritate ecclesiastica approbante, translatum in sacrarium eius- dem congregationis, sub pavimento tumulatum est. Interim fama sanctitatis quam Dei Famulus vivens acquisierat, post obitum magis inclaruit; et super ea in ecclesiastica curia neapolitana rite adornatus fuit Processus Ordinarius in Almam Urbem iam delatus, in Actis Sacrae Rituum Congregationis exhibitus et le- gitime apertus. Hinc rogante Rmo Dno Cosimo Stornatolo huius Causae Postulatore, Sanctissimus Dominus Noster Leo Papa XIII, per decreta 8 Iulii 1891, 13 Martii 1894 et 29 Martii 1895, et sententiam probavit ipsius Sacri Consilii super revisione peracta scriptorum Servi Dei, et veniam indulsit proponendi, etiam ante lapsum decennii, absque interventu et voto Consultorum in Con- gregatione Ordinaria dubium de signanda commissione intro- ductionis eiusdem Causae. Quare, instante praefato Postulatore, attentisque Litteris Postulatoriis aliquorum Emorum S. R. E. Cardinalium, plurium Rmorum Antistitum, nec non Rmi Capi- tuli Metropolitanae Ecclesiae Neapolitanae, una cum clero et populo civitatis Turris Annuntiatae praesertim e sodalibus SSmi