574 EX S. C. RITUUM

exemplo praeivit, illos singulas in horas ope et consilio adfuit. Ut illorum mores ad Francisci Patris disciplinam fingeret nul- lam officii sui partem passus est desiderari.

Bernardini caritas intra coenobii fines non se continuit. In communem enim utilitatem magnopere fuit intentus, neve uno dumtaxat munere implicitus teneretur, nihil potius duxit quam ut necessitates cum corporis tum animi sublevaret. Incredibile est quot, eo auctore, odia posita, iurgiorum semina extincta, dissidiorum causae abscissae.

In medio tamen laborum cursu nunquam a se oculos di- movit; quare si quid otii ab animorum cultura vacaret, naviter ad caelestia conferebat, heic pietatis studio incalescebat: heic an imum reficiebat; heic recens et integer ad conserendam edu- cendamque evangelii messem sese referebat. Paucis, adeo Ber- nardini secunda fama percrebuit, ut sancti nomen illi fuerit fa- ctum.

Extremo conflictatus m o r b o , cum exitum sibi imminere persentiret, tantam cepit animo voluptatem, ut beatas caeli deli- cias praegustare visus sit. Eius funus non modo oppidani, sed et frequentes e viciniis turmae moerore et virtutum eius prae- dicatione prosequuti sunt : utque communi omnium pietati fie- ret satis illius cadaver triduo inhumatum fuit asservandum. Vitam sanctissime actam cum immortalitate commutavit an- no M D C L i i i , praeclarisque quae reliquit virtutum speciminibus defunctus licet, adhuc loquitur.

Mirum igitur non est si cum morte haud perierit Venera- bilis Bernardini memoria. Quin imo ob eius sanctitatis famam longe lateque diffusam, de eiusdem Beatificatione et Canoniza- tione in Sacrorum Rituum Congregatione causa coeperit agitari. Praemissis autem quae in huiusmodi causis Decreta et Ponti- ficum Maximorum Constitutiones servari iubent, deventum est ad discutiendas Venerabilis Servi Dei virtutes in Congregatione Antepraeparatoria habita decimonono calendas septembres an- no MDCCCLXXXIII in aedibus Cardinalis Thomae Mariae Martinelli tunc causae relatoris. Huic Congregationi altera successit quae Praeparatoria dicitur, quaeque ad Apostolicum Palatium Vati- canum advocata fuit nono calendas augusti anno MDCCCXCIV. Tandem in generali conventu ibidem penes Sanctissimum Do- minum Nostrum LEONEM PAPAM XIII indicto, anno superiore' decimosexto calendas décembres Rmus Cardinalis Isidoras Ver-