576 EX S. C. RITUUM Huiusmodi vero Coetus habitus est idibus volventis men-

sis martii, in quo a Rmo Cardinali Lucido M. Parocchi Causae Relatore proposito dubio: « An constet de Martyrio et causa Martyrii, itemque de signis et miraculis in casu et ad effe- ctum de quo agitur » : omnes qui interfuere, latis suffragiis con- stare censuerunt. SSrhus vero Dominus Noster, audita ab in- frascripto Secretario de omnibus relatione, supersedendum de more duxit, ad caelestem opem in tam gravi negotio instantius precationibus demerendam.

Hodierno autem die auspicatissimo, qui anniversariis sole- mnibus Mariae Virginis Genitricis Dei designatae festus incidit in domestico Sacello sacris ferventer operatus, ad Se accivit Rmos Cardinales Camillum Mazzella, Episcopum Praenestinum S. Rituum Congregationi Praefectum, et Lucidum M. Parocchi Episcopum Portuènsem et S. Rufinae causae Relatorem, una cum R. P. Ioanne Baptista Lugari S. Fidei Promotore, meque infrascripto a Secretis, iisque adstantibus solemniter edixit: « Constare de Martyrio et causa Martyrii, itemque de signis et miraculis Ven. Dei Servorum P. Dionysii a Nativitate et Fr. Redempti a Cruce in casu et ad effectum de quo agitur ».

Hoc vero Decretum publici iuris fieri et in acta SS. Rituum Congregationis referri mandavit octavo calendas Apriles an. 1900.

C. C A R D . MAZZELLA, S. R. C. Praefectus.

L. ® S. D I O M E D E S P A N I C I , S. R. C. Secretarius.