UTINEN. 591

Magni autem ponderis est confessio coniugum in the- mate; primum quidem, quia uterque coniux idipsum decla- raverat tempore non suspecto, ceu patet ex quorumdam te- stium depositionibus iuratis.

Sunt et alii testes qui deponunt se accepisse ab Angela, vel ab aliis qui et ipsi ab Angela audierunt, matrimonium non fuisse consummatum.

Iosephus Bernich parochus coniugum testatur se, elapso fere mense a fuga mulieris, advocasse utrumque coniugem, et Angelam hisce verbis explicasse causam separationis quia a iuramento habita fuit ut ancilla, non ut uxor ita ut nec me tetigerit. Petrum vero interrogatum quoad consumma- tionem matrimonii dixisse pluries hoc ab uxore expeti visse, sed parere illam noluisse.

Deinde quia abesse videtur in casu omne periculum col- lusionis, siquidem vir, qui veracitatis laude commendatur, non desiderat matrimonii dissolutionem, quemadmodum di- serte fatetur coram iudice, et vitam coniugalem instaurare paratus est, ideoque nullum sibi commodum ex mendacio comparare posse videtur: unde plurimi faciendum est eius testimonium de non consummato matrimonio. Hinc idem parochus interrogatus quid sentiat de consummatione matri- monii et de periculo collusionis in casu; respondit: credo matrimonium non fuisse consummatum, quia fidem adhibeo verbis Petri. Non admitto collusionem, quia Petrus semper paratus est Angelam excipere, et ipsa non vult redire. - Eodem fere modo excludit periculum collusionis Sacerdos G-entilini.

Praeterea testes septimae manus, tum a viro , tum a muliere inducti confirmant suo suffragio iuratam partium confessionem, unanimi namque consensu laudibus efferunt honestatem, religionem et veracitatem coniugum, eosque ta- les censent, ut a periurio prorsus abhorreant, et plures ex testibus in ea sunt sententia, ut existiment matrimonium non fuisse consummatum.

Haec omnia coniunctim sumpta et ponderata idonea vi-