592 EX S. G. CONCILII

summatum non fuit ». Ursaya, Discept. Eccl. tit. 2, part. 1, discept. 3, num. 47.

Undecimum. - Matrimonium habendum est ratum tan- tum, si hymen qui vaginam claudit, est intactus ; id enim indicat semen in vaginam immissum non fuisse. Medici narrant ipsas mulieres post partum ac meretrices quando- que cum hymene incorrupto repertas fuisse. At ii casus sunt rarissimi ; et praeterea ipse partus aliaque signa, quae medici noscunt, indicant copulam perfectam habitam. Pro- inde iure meritoque iurisprudentia S. Cong. Conc. retinet matrimonium, hymene integro, non esse consummatum, nisi ex medicorum examine et attestatione aliud constet. Ga- sparri, De matr. cap. 8, num. 1065.

Duodecimum. - Placet aliqua hic transcribere, quae in una Barcinonen, cuius sententiam S. Congreg, ferebat die 25 Iulii 1896, dicebamus, nempe : « Nos non loqui de es- sentia seu de requisitis essentialibus ad generationem, sed de essentialibus constitutivis matrimonii : illa nempe gene- ratio, sub genere actionis continetur ; hoc vero ad unionis genus refertur, quae relationem importat. Dato ergo, quod mixtio seminum apta ad generationem absque unione reali maris et feminae neri posset, nihil contra nostram thesim sequeretur, in qua de consummatione unionis sexuum, non de consummatione actionis, in ordine solummodo ad generationem, pertractamus ». Et infra: « Ad difficultatem de commixtione partium viri et feminae respondemus : in tali hypothesi con- summari hominis generationem, non vero matrimonium ». Matrimonium ait Angelicus Praeceptor (Supplem. 3, part. q. 44, art. 1) est in genere relationis, nec est aliud, quam coniunctio. Matrimonium est in genere coniunctionis. Con- iunctio autem corporum et animorum ad matrimonium con- sequitur. His verbis ultimis vult D. Thomas significare, quod essentia vinculi matrimonialis salvatur sine effectiva con- iunctione corporum, et tamen talis corporalis coniunctio perficit, complet, consummat matrimonium.

Tertium decimum. - Inter causas legitimas dispensa-