596 UTINEN.

cillime desistit. Sed praeterea notandum est ne evidens qui- dem esse haec omnia praecise matrem egisse ut filiam in matrimonium induceret. Nec praetereundum est haec omnia locum habuisse inter villicos, qui ordinarie non magno ex huiusmodi rixis et reprehensionibus moerore afficiuntur. Quare nec magni faciendum videtur quod Angela postquam vapu- lavit e materna domo aufugit, quum praeterea statim postea cum Aloisio fratre ad eam est reversa. Quare ex his apparet metum huiusmodi gravem non fuisse. Sed praeterea rationes sunt quae suadent omnino matrimonium hoc fuisse libere et sponte celebratum. Profecto ipsa Angela fatetur se quo mane ad nuptias perrexit nec hilarem fuisse, nec tristem. Et Rev. Dnus Constantinus Gentilini cooperator parochialis, qui huic matrimonio adfuit et sponsis benedixit, testatur se Angelam hilarem et contentam nuptiarum tempore vidisse nec ullum in ea deprehendisse tristitiae signum. Et revera primis etiam diebus matrimonii pluribus visa est contenta; hoc deposuerunt Ioanna Grimatz viri mater, Valentinus Sge- rovello qui idipsum ab Angela acceptum testatur, et alii. Rebus autem ita se habentibus qui non diceret matrimonium hoc libere fuisse ab Angela contractum ?

Quare statim ad alteram quaestionem est nobis trans- eundum ; exquirendum videlicet est utrum moraliter certo constet matrimonium hoc numquam consummatum fuisse. Porro haec moralis inconsummationis certitudo in sequentibus casibus habetur Gasparri Tract, can. de matr. II, 1066 : Io quum coniuges copulam habere certo non potuerunt, sive quia nuptiis initis numquam soli fuerunt, sive quia viri impotentia est plane certa ; 2° quum evidenter constat de mulieris virginitate ex inspectione corporali; 3° quum talia indicia et circumstantiae tales concurrunt, ut simul sumptae moralem certitudinem de inconsummatione praebeant. Vi- dendum igitur est utrum in nostro casu huiusmodi habe- antur moraliter certa argumenta, quae prudenti aestimatori persuadeant, matrimonium hoc ratum mansisse. At primum argumentorum caput exulat omnino. Coniuges enim per