UTINEN. 597

mensem integrum, ipsis testantibus, eodem cubiculo eodem- que lecto usi sunt ; nec ulla plane habetur non tantum cer- titudo, sed ne suspicio quidem impotentiae viri. Quare nullum hinc desumi potest argumentum pro inconsummatione, sed vehemens potius exurgit praesumptio, matrimonium fuisse consummatum, quae praesumptio elidi non potest nisi certis argumentis in contrarium. - Quoad alterum caput argumen- torum inspectio corporalis locum habuit, sed uno ore obste- trices et medici Angelam iudicarunt corruptam. Imo notan- dum est omnes obstetrices et duos medicos Gabrielem Mandez et Virgilium Scaini uno ore testari, Angelam esse corruptam, huiusque corruptionis causam probabilissime fuisse coitum. His autem positis, quodnam non dicam certum, sed ne pro- babile quidem pro inconsummatione argumentum desumi po- test ? - Videndum restat utrum alia concurrant in casu in- dicia quae simul sumpta inconsummationem suadeant. Porro si quae essent ea profecto continerentur praesertim iurata coniugum depositione. Equidem coniuges deponunt unanimiter matrimonium ratum mansisse ; sed magna videtur adesse probabilitas eorum depositionem non esse veridicam. Mulier enim aperte negat maritum ab ea exquisivisse, ut debitum redderet. Affirmavit imo se copulae fuisse consensuram si maritus ab ea ipsam petiisset. Vir contra deponit : sese se- cunda nocte invitasse uxorem ad peragendum actum coniu- galem ; sed oppositionem fecit adducens fluxum menstruum. Sed praeterea mulier ex sua depositione moraliter certo vi- detur mendax. Asserit enim sub iuramenti fide se virgini- tatem suam amisisse numquam. Contra, ut vidimus, certo certius corrupta est et probabilissime ex coitu. Ergo testi- monium Angelae valde probabiliter est falsum, et proinde certo non est attendendum. Manet igitur testimonium Petri actricis viri ; sed unius testimonium et in his circumstantiis profecto plenam fidem non facit. Nec testimonium coniugum quod ex se plenam et certam probationem sine dubio non facit, multum corroboratur ex testimonio septimae manus. Hi enim testes, quorum tres ex parte mulieris ne interro-