598 UTINEN.

gati quidem fuerunt de propria persuasione circa non con- summationem matrimonii, omnes stant pro veridicitate con- iugum, sed quoad inconsummationem vel dicunt se nihil scire vel referunt tantummodo rumorem esse matrimonium non fuisse consummatum. Quare quum nullum certum erui possit argumentum inconsummationis, nullo modo procedi posse videtur, ad matrimonii huius dissolutionem, quum evidentissimum sit periculum violandi ius divinum.

His stantibus inutile est accuratissime inquirere utrum conditiones in casu adessent, quibus permoveri iure posset SSmus Dnus ad dispensationem concedendam a supposito matrimonio rato et non consummato. Sed fateor me etiam in hypothesi non consummationis, nullam gravem causam in casu invenire. Vir enim paratus est ad iterum admittendam Angelam in maritale consortium, imo desiderat ut matri- monium suum non abrumpatur. Mulier vero nulla gravi ratione adducta videtur ad maritum deserendum. Sunt enim qui dicunt eam a viro aufugisse quia apud eum non satis commodus esus erat, alii ob quamdam circa dotem quaestio- nem, alii quia matri potius quam marito erat addicta. Sunt equidem qui dicunt Angelam aufugisse quia Petrus copulam cum ea habere nolebat. Sed admittine hoc potest, quum et Petrus asserat se copulam ab ea exquisivisse, sed frustra ; Angela autem fateatur se nunquam ab ipso petiisse ut actui coniugali operam daret ? Sed praeterea Angela eius ingenii est, ut spem relinquat se ad maritum aliquando reversuram.

Quare puto non esse consulendum SSmo, ut ab hoc ma- trimonio dispensationem concedat.

ANIMADVERSIONES DEFENSORIS MATRIMONII EX OFFICIO. Le-

genti mihi acta controversiae, ab Angela excitatae, occurrit illud poetae :

quid non mortalia pectora eo gis Auri sacra fames?

Cardo enim litis est : Angela a patre 500 libellas hae- reditate adepta est : mater cum Angelam, 19 annos natam,