598 EX S. C. CONCILII

omnes, praeter duas sorores sponsae, quam suam ignorantiam proferunt, pro non consummatione testificantur ; 3° medico- rum declarationes, numero septenario, virginitatem sponsae argumentis validissimis evincunt. 4° Defectus amoris mutui praecipue causa mulieris iudicium est certe non spernendum huius non consummationis. Quoad vero, an nempe exposcenda sit dispensatio super matrimonio rato et non consummato, censuit Consultor respondendum esse affirmative, nam I o . O- mnis spes iam evanuit reconciliationis sponsorum ; 2°. Salus animae eorum id exigit ; 3°. Et etiam corporum, sponsus enim in insaniam incidit, in quam posset iterum de novo incurrere.

Defectus qui in processus explicatione reperiuntur non putamus substantiales esse. Hi autem defectus consistunt I o in numero quinario, non septenario testium pro muliere, 2° in eo quod non sunt adhibitae obstetrices et matrona ho^ nesta.

Nec officere potest benignitati SSmi quod mulier ad Tri- bunal Civile accesserat pro divortio procurando; nam sponsus innocens est ab hacce culpa et non debet aliquis alterius odio praegravari (Reg. 22 in 6) ; nec deest forsitan aliqua excusatio ex parte mulieris, uti advertit Emus Card. Arch. Mechlinien.... En eius verba: « Vir ipse valde pius est. Uxor quidem pro divortio ad legem civilem confugit, an- tequam adiret tribunal Ecclesiasticum, at id bona fide fe- cisse videtur ; idque apud nos infeliciter a multis non satis instructis fit, quasi pro matrimonio dissolvendo esset eadem norma servanda ac pro eo contrahendo : contrahi autem ex lege civili non potest ante impletas formas civiles ».

A N I M A D V E R S I O N E S D E F E N S O R I S M A T R I M O N I I E X O F F I C I O . Anno 1874 die mensis Aprilis 9, Ioseph in aetate annorum 26 constitutus, Elisabetham 20 annos natam, matrimonio sibi coniunxit.

At posteaquam neo-coniuges una simul cohabitaverant per, 11 circiter menses, Elisabeth labente martio anni 1895 viro valedixit.