ROMANA 603

facta per actum ultimae voluntatis, qui necessario implicat mortem testatoris? In uno tantum casu conditio mortis non vitiat translationem sed vitiatur ; quando nempe, iuxta ele- gantissimam distinctionem a Card. De Luca propositam, con- ditio mortis ponitur ut causa impulsiva, non ut causa fi- nalis. Quapropter notat Garcia contra Navarrum « quod rectius tenet additio Consilii posita in fine cum de transla- tionibus sub conditione mortis haec scribit : « quod cum per translationes extinguatur Pensio et nova constituatur videtur quod ista facultas transferendi non possit sibi locum vindicare nisi in absoluta translatione ». Unde, concludit Garcia, etiam videtur quod translatio fieri non possit per testamentum. Ceterum sufficeret dispositio quae habetur in exhibito Motu-proprio Leonis XIII, qui facultatem facit Con- clavistis concedendi et assignandi pensiones « ita ut prae- fati translatarii subrogatio esse censeatur in omnibus et per omnia (quod facultatem exigendi pensiones seu fructus) in qua ipsi Conclavistae tempore translationis existebant ».

Atqui tempore translationis factae per testamentum, quod non valet nisi intercedente morte testatoris, Conclavistae non sunt amplius in possessione pensionis, quae est vitali- tia, neque ius ullum habent ad fructus exigendos. Ergo translatio facta per testamentum erit invalida et inanis. Superfluum duco immorari diutius in re evidentissima ; qua- propter omitto argumenta omnia quae desumi possent ex tractatu De donationibus quaeque haberent arctissimam ana- logiam cum praesenti quaestione.

ANIMADVERSIONES ACTORIS. E X adverso sac. Pretiosi con- tendit, pensionem taliter translatam per testamentum sus- tinendam esse. - Et in primis invocat favorem privilegii, quo gaudent conclavistae ad transferendas pensiones ; et au- tumat hoc privilegium, concessum Motu proprio esse latis- simae interpretationis. - Verba vero quibus hoc privile- gium exprimitur sunt sequentis tenoris : « Insuper concla- vistis praefatis et eorum singulis quascumque pensiones

annuas reservatas seu reservandos etiamsi semel vel plu-