606 ROMANA

sane pensionano veniam concedere potest, ut hic in suo testamento designet personam, cui post eius mortem iterum pensio reservetur. Inquam - designet personam - nam pen- sionarius, cum eius morte ius pensionis extinguatur et re- solvatur penitus, non potest ius pensionis in alium trans- ferre. In designata vero persona per testamentum pensiona- ra, Summus Pontifex intendit ius iterum reservare pensio- nis illamque personam pensionis iure augere. Haec significare videtur Tonduti /. ab oratore cit., aiens sub n. 13: « Idem dicendum est si translatio fiat per viam ultimae voluntatis, quando ad id concessa fiat facultas a Summo Pontifice; veluti si iuxta conventionem partium per Bullas desuper expeditas fuisset concordatum cum consensu illorum, qui pensiones solvere tenebantur quod tales pensiones transferri possent per pensionarium in quascumque personas ; et quod transirent ad successores ipsius, qui successores possent tales pensiones percipere modo et forma quibus poterat ipse trans- ferens. Quae verba comprehendunt non solum successorem translatarium per actum inter vivos sed etiam nominandum per ultimam voluntatem, tum attenta locutione generali, tum quia successoris appellatione continetur etiam ille, qui succedit per dispositionem ultimae voluntatis, ut in istis terminis concludit Paris, Consil. 46, lib. 4, et Flam. Paris, De resign. lib. 6, tit. 4 n. 35 ». Verum explicat ipse Ton- duti cap. 29, n. 1, tunc non haberi translationem pensionis, sed pensionarii electionem. Et iuxta hanc distinctionem in- telligi potest Fatinelli de Fatinellis, Tract, de transi, pens., cap. 4, n. 10 advertens : « Neque in contrarium urgent Garz. De benef, et Corrad. in Prax. benef, censentes translatio- nem fieri non posse in testamento quia loquuntur et ita in- telligendi sunt, de translatione per modum hereditariae suc- cessionis et ultimae voluntatis independenter ab indulto, puta, si pensio legaretur vel donaretur causa mortis, non vero de ea quae fiat servata forma indulti ».

Hinc quaestio haec est, in praesentiarum, an vi indulti - Motu proprio - *possit pensio transferri per testamentum.