NULLIUS S S . TRINIT. CAVEN. 615

nitates, gratiae, facultates et indulta, praesertim conferendi sacramentum chrismatis, dummodo illud foret prius per ca- tholicum Antistitem, gratiam et communionem dictae Sedis habentem consecratum Apostolica auctoritate perpetuo confirmavit et approbavit ».

Iuxta rerum adiuncta tribus modis distinguit advocatus exercitium in confirmandi potestate : quatenus Abbas sibi subditos confirmat in sua dioecesi : quatenus in sua dioecesi confirmat alienos : quatenus alienos confirmat in aliena di- tione.

Hac mane tantum res est de postrema quaestione ; seu de iure confirmandi alienos subditos in aliena dioecesi, sed advocato opportunum videtur dicere etiam de facultate con- firmandi alienos in sua dioecesi, ut via sternatur facilis ex- peditioni hodiernae quaestionis.

In hoc propositum advertit patronus, iuris pontificii scri- ptores docere, cuilibet episcopo licere alienos subditos in suam dioecesim convenientes confirmare, non modo expressa vel tacita, sed praesumpta competentis Episcopi delegatione, si usus consuetudine invaluerit. Sanctus Ligorius, in lib. 6. tract. 2, cap. 2, dub. 2, n. 172 haec habet : « Quaeritur an Episcopus in sua dioecesi alienos confirmare possit. Per se loquendo certum est non posse... Certum est et commune apud doctores quod ubi ex consuetudine id permittitur, li- cite fieri potest, ut dicunt Concina I. 8, pag. 216, n. 18. Holzm. p. 45, n. 209. Roncaglia quaest. 1, R. 1. Et hanc esse praxim usu receptam recte aiunt Palaus pag. 9, n. 7, et Croix lib. 6, p. 1, n. 392 ».

Hoc etiam in sacris ordinibus conferendis praestare so- lent Abbates Cavenses, nempe ut in suo territorio confe- rant alienis : quod post S. Rotae sententiam conceptis ver- bis sancivit S. C. C. diebus 26 Iunii et 31 Augusti 1634. Propositis enim dubiorum formulis « I. An Abbates SSmae Trinitatis Cavae habentes iurisdictionem ordinariam gau- deant privilegio conferendi Ordines minores subditis non suis. - II. An sit valida ordinatio uti in casu,. - III. An