YERONEN. 619

usque ad terram flectere, sed mediam tantum, ut ita dicam, genuflexionem commode exequitur ». Et in themate agebatur etiam de clerico duobus tantum minoribus ordinibus initiatus.

Demum in casu, eo magis videtur rigor temperandus, cum boni mores Oratoris ab Episcopo sint quammaxime commendati, et utilitatem inde capere Ecclesiam, sperat Ordinarius.

Nec illud videtur esse omittendum , quod cum Orator iam studia ecclesiastica compleverit et ad aetatem a. 27 iam pertigerit, durior etiam ex hac parte videretur dispen- sationis gratiae denegatio: cum ei non tam facile esset in posterum aliam inire viam vel aliis incumbere studiis , ne otiosus vir, vel de novo statu in sociali consortio in aevum pertaesus maneret.

Quibus animadversis quaesitum est quid precibus esset respondendum.

R E S O L U T I O . Sacra C . C . re disceptata sub die 7 Apri^ lis 1 9 0 0 , censuit respondere : Pro gratia dispensationis facto verbo cum SSmo.

EX S. CONGR. EPISC. ET REGULARIUM

R O M A N A

C R E D I T I

Die 15 Septembris 1899.

C O M P E N D I U M P A C T I . Fratres Bianchetti pannorum pro ve- stibus conficiendis negotiatores Locami in Helvetia an. 1 8 9 2 quantitatem huiusmodi mercium apud aedes Seminarii Pii in Urbe deposuerunt earumque venditio commissa fuit non- nullis alumnis, Rectore Seminarii assentiente. Anno 1 8 9 5