626 EX S. C. RITUUM

Christi Religione tuenda, vitae suae minus cavens, delatorum astum non effugit, raptusque in ius est sub ea criminatione quod leges violaret et imperialibus edictis non pareret. Neque tamen strenuus miles deserendam sibi stationem duxit, prae- sertim quum nemo praeter ipsum esset in vasta illa provincia sacerdos. Qdio itaque christiani nominis acti satellites, impetu facto, sacram aediculam, quam Venerabilis Dei Servus extru- xerat, igne absumunt omnemque supellectilem sacram, as- sertae ac propagatae religionis argumentum, deferunt ad Prae- fectum urbis Lui-jan-sien. Cui interroganti se sistens Ioannes, responsa dedit plane digna veterum martyrum lingua; donec catenis vinctus mittitur ad urbem Heu-cou-fou. Quo in itinere singularis eius enituit caritas in ceteros qui cum ipso capti du- cebantur, quibus impetravit ut lecticis deferrentur. Inde ad Cian-sa urbem provinciae principem deductus, septem prope menses egit in carcere supra modum durissimo : collum, manus pedes ferréis vinculis impeditus, tractusque per vim supra Cru- cem, ut ipsam calcarei Tandem, cum fortissimi athletae con- stantiam nulli adversi conatus fregissent, capitalis in ipsum sententia lata est.

Stato die ad supplicii locum quum venisset, spatium oran- di petit. Tum vero, pro christianorum Sinensium instituto, quinta prostratione Deum adora vit, ut intelligerent omnes qui aderant, se vita exeuntem publice Fidem profiteri. Cum vero damnata- rum vestes lege attribuerentur camitici, de pudore magis quam de instante morte sollicitus, quod pecuniae tantillum supererai obtulit, rogans ne internis vestibus exueretur. Quo vix impe- trato, ad satellites conversus iussit eos imperata facere; alli- gatusque ad feralem machinam, eliso per laqueum gutture, migravit in caelum die 7 mensis Februarii anni 1816.

Gloriosi huic martyrii fama late diffusa, inquisitiones rite sunt institutae, quibus a Sacra Rituum Congregatione diligen- ter expensis, Summus Pontifex Gregorius XVI commissionem introductionis Causae propria manu signavit. SSmus autem Dominus Noster Leo PP. XIII decreto lato undecimo calendas Februarii volventis anni benigne indulsit ut dubium de Mar- tyrio, causa Martyrii, Signis seu Miraculis Martyrium ipsum confirmantibus in particulari Coetu Sacrae Rituum Congrega- tionis proponeretur cum voto etiam Praesulum Officialium me- moratae Congregationis. Itaque, in Conventu ad Vaticanum ha-