EX S. C. RITUUM 629

VICEN. dubia quoad habitum choralem Magistri caeremoniarum.

Hodiernus Caeremoniarum magister Basilicae Cathedralis Vicensis in Hispania, praehabito consensu sui Rmi Episcopi, Sacrorum Rituum Congregationi ea quae sequuntur pro op- portuna declaratione reverenter exposuit, nimirum : cum orator accepit possessionem Beneficii, cui officium magistri caeremo- niarum est adnexum, vigebat in Basilica Cathedrali Vicensi con- suetudo, qua magister caeremoniarum habitu chorali seu Be- neficiarii proprio utebatur in munere caeremoniarii exercendo. Hac consuetudine deposita iuxta decretum 3840 Granaten. 14 De- cembris 1894, alia invecta est praxis consentiente Rmo Capi- tulo eiusdem Basilicae Cathedralis; videlicet: magister caere- moniarum vestem violaceam adhibet cum superpelliceo, quo- tiescumque officio suo fungitur sive in altari sive in choro, ex- ceptis casibus, in quibus Vesperae, Te Deum, et Laudes tan- tum solemniter in eadem Basilica canuntur, ne ipsemet disce- dere a choro debeat in principio Completorii et in fine Matu- tini ob habitus mutationem. Hisce positis, idem Orator ut su- pradicta praxis concordet cum Caeremoniali Episcoporum et Decretis, expostulavit :

I. Utrum in Pontificalibus functionibus Episcopi Ordinarii •sive in Cathedrali, sive extra ipsam, in propria tamen Dioece- si, magister caeremoniarum veste violacea uti debeat?

II. Utrum etiam in Pontificalibus ab alio Episcopo, de con- sensu tamen Ordinarii Dioeceseos celebratis, eandem vestem ad- hibere valeat?

III. Utrum tali veste uti possit vel debeat quando celebrat Capitulum Cathedrale, sive in ipsa Basilica sive extra, tam prae- sente quam absente Episcopo?

IV. Utrum etiam eandem vestem induere valeat in Vespe- ris, Completorio, Matutino et Laudibus solemnibus?

V. Quo habitu uti debeat cum solemniter tantum Vesperae, Te Deum et Laudes canuntur; et an e choro exire debeat tem-

pore opportuno ad mutandum habitum? Et sacra eadem Congregatio, referente subscripto Secretario,

•exquisito voto Commissionis Liturgicae, respondendum cen- suit :

Ad I. Affirmative.